منظر شفته باستراحة ساسكو طريق الدمام الرياض ما تتخيلونه ويندئ له الجبين

السلام عليكم ورحمة الله وبركاته

اليوم بحكي لكم شي شفته ما احد يتخيله

مستحيييييل تتخيلين انك بالسعودية

شي يشيب له الراس وتشمئز من النفس وتصيرين ودك تغيرين جنسيتك

الى جنسية ثانية من بشاعة المنظر

يمكن تقولون اني ابالغ شوي بس هذا اللي في نفسي بقوله لكم

بكل صراحة

اليوم كنا راجعين للرياض من المنطقة الشرقية بعد ما قضينا العيد هناك وانبسطنا

واحنا بالطريق بنتي الصغيرة قالت الا تبي دورة المياه وانا خابرة عندنا

حمامات الطرق اكرمكم الله ما تنقبل

قلنا لها يابنت الحلال خلينا نزلك على الطريق ومشي حالك انظف من ذا الاستراحات الوصخة

ورفضت الا تبي حمام

المهم طولتها وهي قصيرة

ما درينا الا ساسكو قدامنا بعد مسافة يمكن 150
بدون محطات

ما صدقنا على الله وقلنا الحمدالله ساسكو ارحم من غيرها

ونزلنا واحنا متشققين من الوناسة

وندور ذا الحمامات الا وكني ماني في السعودية

حسبت اني وصلت بنقلاديش ولا الهند ولا الصومال من المنظر اللي شفته

صاحب ساسكو السيد مدري شسمه الله لا يوفقه يلهف فلوس خلق الله

ولا يكلف على نفسه يجيب عمال ينظفون الحمامات

مسوي الاخ صيانه لدورات المياه والمصلى

وجايب من ذا البيوت الجاهزة ومسويها حمامات يدمي لها القلب

حشا الحيوانات اعزكم الله تترفع انها تدخل فيها فكيف الانسان

ومو اي انسان شعب مثل السعوديين دولة متحضرة تنموية اقتصادية سياحية

والله ان الاجانب من كل مكان من دول الخليج والفلبين والهند

مو مصدقين اللي يشوفونه

لا والطامه المصلى مقفل للصيانه وما كلف على نفسه يجهز له مكان

رما له مجموعة سجادات صلاه من الصغيرة قدام ذا الحمامات اللي تفتح النفس

يعني برى في الهواء الطلق مع ذا الاجواء الخيالية!!!!!

شفتو كيف قمة الاستهتار والاستخفاف بالمواطن السعودي

ليش ؟؟؟؟

لأنه من امن العقوبة اساء الادب !!!

وين المسؤلين وين يا عالم احنا بشر ما حنا حيوانات

اناشد اي احد يعرف مسؤؤل او احد له يد يبادر ويبلغ

ارحمونا الله يرحمكم عاملونا معاملة انسانية !!

بحط لكم بعض الصور صورتها واللي نفسها ماتقبل رجاء لا تشوف الصور

ما ابي آخذ ذنب احد:mad:

انا حامل ومن شفت هذا المنظر وانا كل شي في بطني طلعته :09: ولاني قادرة آكل شي

رجاء ان تساعدوني في نشر الخبر علها تصل ليد مسؤؤل وينقذنا من هذه المهازل:44:

مسموح نقل الموضوع للمنتديات الثانية

اترككم مع الصور