بـــوحـ
•
مطهر سيف كلمه روعه قليله فيه ريحته تجلس في المكان يومين
للمطبخ فيري اوبريل للمواعي ولتلميع الرخامات ودواليب المطبخ بحط في بخاخ تلت الكميه مايه وتلت خل وتلت ديتول +كام نقطه فيري وبرج البخاخه كويس عندكل استخدام .للحمام كلوركس وهاربيك وديتول ٤في١للتلميع مسترماسل جلانس للزجاج والخشب بليدچ والمسح ديتول ٤في ١ودايماً كل مره اغسل كيس المكنسه وبعدمينشف بحط فيه حتة بخور اناعندي بخورالنيل كل مره اكنس بتطلع ريح روعه وعندي بخاخ فيه مايه وداوني المفضل عندي ارش منها علي الستاير واللمبات وهي مطفيه اماتولع بتطلع ريحه وهم.كمان مهم جدا عندي في حوض المطبخ بعد غسيل اي لحوم لازم يتنقع في كلوركس ويتدعك كويس بسلك ويترمي السلك والرخامه والحوض وكل حاجه حوالياتلميع بمناديل المطبخ مع خلطتي لتلميع المطبخ .اخرحاجه عندي بخاخين مايه بديتول واحد علي التواليت كل اللي في البيت لازم بعدالاستخدام يرش علي الاعدوفيً التواليت من جوه ويمسح الاعده بكلينكس وضرب السيفون حتي الصغيرين اتعودعلي دا.والتاني علي الحوض يعني كل شويه كدا رايحه ولاجايه ارش علي الخلاط بتاع الحوض الصنبور يعني وارش في الحوض نفسه .جوزي بقي بيقولي اناخايف الاقيكي عملالي خلطه ببخاخ تعقميني بيها واناداخل البيت .قولتله تصدق فكره قالي انتي مجنونه رسمي.طيب بالله عليكو حد يكره النضافه
الصفحة الأخيرة