بسم الله الرحمن الرحيم
عندي مجموعه من المنظفات اعتبرها سحريه وما اقدر استغني عنها لانها فعلا فعاله ومفيده :
اولا :
مناديل الاطفال .. وفيه منها نوعيه للوجه .. رخييييييييييييييييييييييييييييييييييييييييييييصه ب 2 درهم فقط .. مليانه ورطبه وتكفي لفترات طويله وتنفع في كل شي ( بس ما استخدمتها لاطفالي لاني ما اضمن ها الاشياء شو فيها ) ..واخذها من محلات الدرهمين .. واضيف عليها ديتول غير مخفف .. ومرات ماء ورد ..او عطر تصير ريحتها حلوه ..
الاستخدامات لا تعد ولاتحصى . ... انا قبل كنت استخدم مناديل ديتول بس حسيت انها تخلص بسرعه وتنشف وغاااليه فخليتها للاستخدامات الشخصيه وغيرت على ها النوعيه تقوم بنفس العمل وبنفس الجوده واحسن ..
تنظيف الطاولات قبل وبعد الاكل
مسح الاثاث
تنظيف السيراميك ..
مسح مقعد التواليت
مسح المغسله
تلميع النباتات ونباتات الزينه
مسح الثريات والاضاءات
تعقيم شاشه الكمبيوتر والكي بورد والتلفون ..
مسح اطراف الاسره وعربات الاطفال .
عمليه في الشنطه للتنظيف السريع عند الخر وج ..
مسح مقابض البيبان والدرابزين والنوافذ
مسح المكيف والمروحه ...
.................... الخ
ثانيا :
اسفنجه ازاله الالوان وشخابيط الاطفال على الجدار ... عمليه وسريعه وتنظف بامانه ... تزيل اقلام الرصاص والشمع والالوان الاخرى وطريقتها انها تنبل بالماء وتمسحي ويروح بسرعه وبدون تاثير على الصبغ ..موجوده في كارفور وسبينس وجيان .. وسعرها بحدود 10 .او 15 وفيها اسفنجتين
ثالثا :
منظف الاحذيه الرياضيه وملمع الاحذيه ...
لاغنى عنهم لتنظيف احذيه الرياضه اللي مشكلتها انها تبقع وتسود مع الاستعمال بس ها المنتج يزيلها بسرعه وسهوله وانا استخدامي له بعد في غسل البقع عن الشنط والحقائب ممتاز وفعال .. و والملمع يعطي لمعه لاحذيه الجلد والبلاستك واي نوع .. وانا استخدمه لتلميع الشنط بعد .. يعني 2 في واحد
رابعا :
منظف الستيل سماك .. هذا المنتج روووعه لتنظيف القدور والمجالي الستيل والقدور وعيون الغاز وانا استخدمه لتلميع صنابير المياه والملاعق المصديه وانابيب المياه الستيل .. روعه في ازاله الدهون والصداء ..
يوضع على منشفه او اسفنجه مبلوله ويوزع على المكان ويترك دقائق ثم يشطف ممتاااااااااااااز ..
خامسا :
داك لازاله انسداد المواسير والبلاعات ..
ممتاز لازاله الشعر والانسدادات الدهنيه من المواسير خاصه في المجلى والحمام ..
يزيل اي رائحه في المواسير مع الاستخدام المستمر ..
احسن نوعيه استخدمتها للان .. مريح ووسهل يوضع داخل فتحه الماسوره ويوضع فوقه ماء ساخن ويترك لساعه ثم يشطف ..
سادسا :
دراي كلين ..
منتج رشاش لازاله البقع من الملابس ساعه حصولها يعني تاخذينه معاج اي مكان خليه بالشنطه واذا صار وبقعت ملابس العيال او بو العيال بكاتسب مثلا على طول بخه ويترك لحد ما يكون بودره وبعدين شيلي البودره بفرشاه وشوفي العجب .. بس ضروري للبقع الحديثة وليس القديمه ..
انا استخدمه اذا صار على مفرش الطاوله القطني اي بقعه بعد الاكل على طول واتركه وافرشه وبس ..
اتمنى موضوعي يعجبكم .. واي سؤال انا بالخدمه ..:27:
الله يجزاك خير