LadyOskar :

انا حبيت اكتب و افيدكم بتجربة زوجي بما انكم سالتكم ،كنت ناوية اكتب موضوع مستقل بس ما بفضى  و الله ، زوجي كان وزنه 150 و طوله 182 ، طبيعة عمله مكتبي و لا في حركة ،اكله جدا عادي يعني في رجال ياكلو اكتر منه و لا ينصحون بس الاجسام بتختلف عن بعضها ، عنده مشكلة بالاكل انه يحب الحلو كتيير ، و كان في بعض الاكلات ياكل كمية اكتر من العادي تبعه  يعني اذا جوعان كتير او بحب الاكلة بس عموما ما اكله عادي ، و لا يحب الرياضة و بطبيعته كااااان كسول ما يحب يتحرك او يمشي ،المهههم نصحته زميلة اله باستخدام الكلوكوفيج لانه امها تجربه و تستخدمه و بتنحف علييه كتيييير و خبرته انه طبيب اخصائي هو اللي نصحها فيه و انه آمن جدا و مفيد للجسم من حيث تنظيمه للسكر و خصوصا انه اصحاب الوزن الزائد بعانو من هالشي و اوضحلي زوجي طريق عمله عالجسم و التنحيف طريقة فعالة و آمنة  و ليس له آثار جانبية و ممكن يستخدم طول العمر ، خلال سنة و نصف فقد35 كيلو من وزنه بدون لا رياضة و لا رجيم ،بس خفف من كميات الاكل و ركز عالخضار  و انا متأكدة لو مارس نوع بسيط من الرياضة متل المشي او عمل رجيم كان فقد عالاقل خمسين كيلو للآن. هلا رجع زاد ستة كيلو لانه رجع يآكل حلو  متل قبل ، بس بصراحة الكلوفيج كان حافز  قوي لانه يخفف اكله و ينزل وزنه لانه بنزل الوزن بدووون تعب و بالتالي بيتنشط و بيتشجع الواحد انه ينزل وزنه  بس انا نقلا عن كلام الدكتور حبيت انصحكم فيه لانه آمن و بالنسبة للي يعانون تكيس او مشاكل ممكن ما يفيدهم بالتخسيس لانه همة اصلا عنهم مشكلة بالهرمونات و بالتالي هو بيعمل عتعديل الهرمونات مو عالتخسيس  كمان شغلة اول كم شهر ما بتكون النتيجة ملحوظة كتيير   دعواتكم يا حلويين 

انا حبيت اكتب و افيدكم بتجربة زوجي بما انكم سالتكم ،كنت ناوية اكتب موضوع مستقل بس ما بفضى  و الله...