منفصلة باطفال وعندي شوفة قريب

ما ادري ايش دخل العنوان بس حاااايسة مرره انا كنت حامل قبل كم شهر وانفصلت وبعدها وقف نبض الجنين ورحت المستشفى عشان الاجهاض وتم كل شي وقبل عندي بنت وولد

عمري 23 الحين مر على انفصالي حوالي 6 شهور او اكثر المشكله بالحمل الاخير زاد وزني مره الحين وزني 68 وطولي حوالي 156
قبل الحمل كان وزني بالخمسينات ومره حلو جسمي كنت كل بعد ولاده انقص وزني بسهوووله ورياضة والكل يستغرب مني لاني انحف بسرعه بالنسبه لهم ولا انا اجلس كم شهر بس بنتيجة
ماعاد الحمل هذا الاجهاض الاخير لاني اجهضت بالخامس كان كأنه ولاده 😭 وصارلي يمكن ٤ شهور او ٣ من يوم نزل الجنين ووزني مو راضي يتحرك
من يوم انخطبت وتحدد موعد الشوفه بعد كم يوم وانا ماني على بعض وحاسة بهم وتعب وضغط نفسي كبير ولاني قادرة اسوي شي

خطبني اعزب اكبر مني بسنتين وبعد الزواج بيكمل دراسه برا
افكر ارفض من الهم لان اكيد كلكم عارفين وش يسوي الحمل بالوحدة زيادة وزن على اثار حبوب بالوجه على بلاوي مع اني بديت اروح للعياده بعد الولاده وتحسنت المشاكل شوي ماعاد وزني معلق مو راضي ينزل
وصارلي شهر اسوي رياضة مقاومه وحديد وكارديو وانشد جسمي وبطني راحت بس لسا جسمي فيه دهون ماني عارفة كيف انزلها

وغير كذا بعد الحمل هذا مافيه مصيبه ماصارت لي غدة على نقص دال على اكتئاب
افكر ارفض الزواج مع ان الرجال قال مايبغى شوفه بس انا اللي طلبت
والشوفه بعد كم يوم بس لسا ما اكد على اليوم وما ادري كيف راح اقابله مع انه خطبني قبل ورفضت ورجع مره ثانيه وقلت حرام اخليه يروح يمكن خيره لي
اللي شايله همه بشرتي باهته وتعبانه واثار حبوب خفيييفة بوجهي وسمار الحمل للحين اعاني منه ما ادري ايش اسوي من ايام وانا حاسة بضييقة وهم مو طبيعي