منقطعه عن الدراسه ارجو مساعدتي

السلام عليكم ورحمة الله وبركاته
حابه اطرح مشكلتي واستفساري في هذا المنتدى المميز
انا منقطعه عن الدراسة اكثر من ١٥سنه وحابه اكمل تعليمي شهادتي سادس رحت اخذت ورقه تحديد مستوى (قفزه) من ادارة الاختبارات والقبول بالرياض لمكتب التعليم بالحي عندي ورحت قالو لي ايش اقرب متوسطه قلت المتوسطه ....رحت لكن رفضو استقبالي بحجت انهم ماقد سوو اختبار تحديد مستوى لطالبه وللاسف كان التعامل سئ معي رجعت لمكتب التعليم وطلبت تعديل الى اي مدرسه في الحي او قريب مني سبق وعملو تحديد مستوى ولكن تمرمطت وتبهذل لي شهر وانا مو عارفه ايش السالفه والمصيبه خسرت فلوس في مشاوير على الفاضي وانا على قد الحال ماعندي احد يوديني والناس بيختبرون تحديد مستوى الاسبوع الجاي قسم بالله تكسرت مجاديفي ماصدقت وانا تحمست اكمل دراستي ماادري ليه كذا المديره حقت مكتب التعليم بالحي تقول غصب عنهم يقبلونك والمدرسه رافضه وانا الضحيه وكل وحده تعاند مين تمشي كلمتها قسم بالله احس بحباط قوي. حصلت مدرسه ممتازه وكل سنه يعملون تحديد مستوى ولكن للاسف يقولون استكفينا في كثير طالبات تحديد مستوى وانا قلبي متشفق ابي هذي المدرسه مابي مدرسه اول مره تعمل تحديد مستوى ابي مدرسه لهم خبره فيه وبعد مابي اكون وحيده ابي كم طالبه معي علشان نشجع بعض الله يعلم بالظروف اللي مريت فيها دعواتكم يابنات ادرس هذي السنه ويقبلوني في المتوسطه اللي ابيها
ابي تجاربكم في تحديد المستوى وياليت اللي في حي الشفاء تدرس او درسة منازل تعلمني كيف واي مدرسه عملت تحديد مستوى
الله يجزاكم خير