منقهره من قريباتي فجاه يخبون عنا كل شي

السلام عليكم بنات


ممكن تسمعوني ؟؟ في موضوع مضايقني جددداااا.
عندي بنت من اقاربنا ربينا وكبرنا معبعض .... فتره المراهقه علاقتنا صارت قوييييه ... فتره الكليه صارت اقوا لدرجه يوميا كنا نشوف بعض ونرجع عالبيت نكمل عالماسنجر ونموون على بعض نتصل ايييي وققت ... تفاصيل يومي تعرفها واعرف تفاصيل يومها ... اعرف امنياتها وطموحها وتعرف امنياتي وطموحي فالحياه ... بعدين صار لها شي حلوو تتمناه (ماشاءالله ) وفجاه تغييييرت علي .. والله ما خبرتني حتى فجاه ماترد علي ابدااااا وانا اكلمها كالعاده .... واقولها شو فيك ؟؟؟ ترد علي بعد اياااام مافي شي ... وبعدين اشوف الناس يباركون لها و حزززنت حسيت كانها تخاف احسدها وخبت عني والكل يدري والله ماتدرون لاي درجه جرحني الموضوع وانا حساسه و ابدااااااا ما احب افرض نفسي على اي مخلوق فانسحبتةبهدوء في اجتماعات العائله اضحك معاها ولا كانه في شي بيننا

المشكله مو بس هذي المشكله صارت تعاملني كاني عدوه ... بقولكم كيف ... في مكان معين دايييمما نجتمع فيه و نشرب تركش كوفي .... بعد هذا الموقف كل ما امر المكان عيني تدمع اما قريبتي ابدااا ابدااا ماتكلمني وتاخذ بنات اقاربنا الباقيات بدون ما تعزمتي (قبل الموقف عمررررها ما صارت )) ويروحون وينزلون صور ... تعاملني كنكره .... اشياء ثانيه كبيره صارت لها اسمعها من البعيد تخبي عني .... ناس كانت قدامي تتهمهم بالحسد صارو يعرفو اخبارها وانا اخر من يعلم ... صله القرابه قويه بيننا ودايما اشوفها ودايما تتحاشى تجلس معاي ..... الموضوع قديييم له سنتين وحال من سيئ لاسوء .... فترات كل ما نجتمع تحسسني كانه متخاصمين ماترد علي وتبتسم مجامله واحيانا نضحك معبعض فاجتماعاتنا العائليه ولا كانه شي صار

من سنتين مرتين واجهتها لو انا غلطت علي و رفضت تقول و علاقتنا غريبه وكل اجتماع عائلي اكره نفسي حتى ارجع البيت ما احب اجتمع معاها لان ما اعرف شو مشكلتنا معبعض انا ظلمتها ؟ انا غلطت عليها ؟ تخاف احسدها ؟؟؟ وليش للييووووووم احن لايمنا معبعض واتمنى ترجع؟؟؟؟ مع انها اخر همها انا و مشغوله مع صديقاتها الجدد