منقوع الزعتر ومفعوله في تسهيل الولادة

بنات حواء بغيت انقل لكم تجربية 4 بنات من صاحباتي من استخدموا منقوع الزعتر وكيف تسهلت ولادتهم .
اول وحدة رفيجتي عندها ولدين وكان حملها الثالث واستخدمت منقوع الزعتر من بداية التاسع ـ تقول اول مرة تسهل ولادتي بهذي الطريقة ، ما حسيت بالم الولادة إلا نص ساعة وبعدين ولدت ما شاء الله .
والثانية بعد رفيجتي كانت بكر وتقول حسيت بألم خفيف ورحت مستشفى قريب من البيت عشان اتاكد إذا عندي ولادة ، تفاجات انهم قالولها مفتوح 5 سم وإذا بطلعين على المستشفى اللي حاجزة فيه لازم توقعين خروج على مسؤوليتج ، لانج ما بتقدري تتحملي توصلي وما شا الله ساعة وولدت .
الثالثة من الاهل استخدمته مع انها ما شاء الله عندها ست عيال تقول يا دوب لحقت توصل المستشفى ، لانها متعودة تتريا وايد الين تولد وتوقعت هاي المرة نفس الشي تقول جلست اتريا ومتوقعة انها بتتريا بعدها كم ساعة الين تولد ، الين فجاة ياها الوجع مرة وحدة ويا دوب وصلت المستشفى دخلوها غرفة الولادة مفتوح 10 سم ومباشرة ولدت .

اكيد تسالون عن الطريقة
تنقعي كمية من الزعتر في ماء من بالليل الين الصبح (زعتر مب الفطاير زعتر اللي ينشرب مثل الجاي )ى
والصبح تصفيه وتشربي منه كم كوب في الماي من اول التاسع .
والله يسهل ولادتكم يا رب
وما ابغي غير دعواتكم لي بان الله يسر لي اللي فيه الخير