شلونكم بنات شخباركم مع البياض وتوحيد اللون الله يعينكم يارب
احس ماتنامون الليل من هالسالفه
عموما لا تحاتون بحكم خبرتي العريقه بمجال التفتيح والبياض وتوحيد اللون راح اعلمكم اسرار المهنه
_shh_:وطبعا مابي منكم الا الدعوات الصادقه اللي من القلب بالتوفيق والستر بالدنيا والاخره و العرسه خخخخخخ :hahaha:
عندنا ثلاث انواع من الاقنعه اللي تستخدم وقت الاستحمام تبون تعرفونهم صح وتوفرون فلوسكم صح وتاجرون يمكن فيهم صح
ماراح ابخل عليكم ورزقنا ورزقكم على الله
الحنه البيضه عباره عن نوعين حنه بيضه مغربيه وحنه بيضه ايرانيه والهرده الشاميه تعتبر من اخواتهم
الحنه المغربيه :
مكوناتها لسان البحر + شبه
تاخذين مثلا كيلو لسان البحر وتخلطينه بربع كيلو شبه وبجذي خلصنا من الحنه المغربيه شفتو شلون سهله .
الحنه الايرانيه :
مكوناتها السفيداب + طينة الخاوه
تخلطون كميه متساويه من الاثنين وبجذي خلصنا
الهرده الشاميه :
مكوناتها ترمس + حمص + سمسم (يكونون مطحونين )
تخلطون كميات متساويه وممكن تستغنون عن السمسم المطحون بس اهو رووووعه لنعومه
هالثلاث خلطات اذا استخدمتيها بانتظام وخلطتيها بعصير ليمونه وماي ورد وزبادي او حليب سائل
راح تبهرج النتيجه
الحنه المغربيه راح تشيل الخطوط اللي بالجسم والكلف وتصك المسامات تخلي بشرتج روووعه وطبعا تبيض
الحنه الايرانيه تنظيف عميق وتصفي اللون توحده وتبيض
الهرده الشاميه تبييض وتصفيه وتشيل الحبوب من الجسم
وطبعا احرصي على جودة المكونات انها ماتكون قديمه ولا تكون مخلوطه بمعنى اصح مغشوشه
وبالاخير اتمنى انكم تستفيدون من هالموضوع وطبعا يا عرايس هالماسكات راح تخلي اجسامكم روعه
للأمانة يا بنات الموضوع منقووووووول و اي استفسار ان عرفته جاوبت عليه و ان ما عرفته البنات مارح يقصرون اعرفهم << من زمان كان و دي اعرف ايش سر الحنة البيضا او حتى القاها و اشتريها و الحين عرفت و على طوووول خبرتكم تكفون بدعوة في ظهر الغيب بالزوج الصالح و الرزق الحلال الطيب واني انحف و ارتاح يااااااااه لو صدق احصل على هالاشياء بأكون أسعد وحده بالكرة الارضية خخخ خربتها صحححححححح :35:
و الحمد لله رب العالمين و الصلاة على رسوله الامين و على اله و صحبه مسك الختام