منقول للافادة

#منقوووول. ماشاء الله لا قوة الا باالله
#منقووووول
انا متجوزه من خمس سنين خدتهم كلهم لف و تدوير على #الخلفه تقريبا من اول شهر ﻻنى اتجوزت و سافرت تانى اسبوع ف بحكم الغربه كان عندى فراغ بمﻻه ،
سافرت و دورت برا و جوه مصر غيرت تقريبا الدكتور 16 مره و و كل دكتور كنت بروحله كنت بلغى اللى عملته و اخليه يبتدى ﻻن ممكن يكون غيره نسى حاجه او معرفش حاجه و كلهم يبتدوا المشوار من اﻻول اشعه و تحاليل و فحوصات و مناظير و عمليات و اشعه صبغه و اﻻخر تتقالى الجمله المعتاده " تأخر حمل ﻻسباب غير معروفه " !
لدرجه انهم خدوا عينع من الرحم حللوها يمكن فى طارد للاجنه و ﻻ حاجه او حاجه تمنع !
عملت حقن مجهرى مرتين (و للى ميعرفش ده حمل صناعى )و تلقيح صناعى مرتين و عمليات تانيه و بردوا كل طريق كان بينتهى بوجع و ايدى فاضيه لحد ما خﻻص فاض بيا و حسيت انها اتقفلت ف وشى و معدلهاش حيله معايا و يوم فشل عمليه التلقيح بتاعتى تقريبا سمعت كﻻم زى السم من الدكتوره بتاعتى لدرجه انها قالتلى بالنص " يابنتى خﻻص انا تعبتلك انتى لسه عندك امل لسه فيكى نفس تعيدى و تقومى و تكملى احنا عملنا كل حاجه و فشلنا ، فشلنا حتى نعرف اسباب الفشل "
يومها اتكسرت بجد و رجعنا انا و جوزى من عندها تقريبا مكنتش شايفه قدامى نهائى و كل حته جوايا بتصرخ و بتتوجع و مش عارفه هعمل اى ،
روحنا نعمل عمره ف الفتره دى اتوضيت من زمزم و صليت و ﻻول مره معرفش اقول حاجه لربنا و ﻻ حتى اطلب و ادعى و الح زى ما كنت بعمل !
لقيت نفسى بس بعيط بوجع و بيطلع منى كﻻم مش مترتب لقيتنى بقله
" ياارب بشهدك و بشهد مﻻئكتك و بيتك الحرام اللى انا فيه و جميع خلقك و حمله عرشك ان انا اخرجت موضوع الحمل و الخلفه من حولى و قوتى لحولك و قوتك و ﻻ حول و ﻻ قوه اﻻ بك يا رحيم ، ياااارب سيبتها عليك معدلهاش حل ف ايدى و سيبتها عليك و على قدرتك انا مقدرتش لكن انت تقدر عاملنى برحمتك ياارب مش بذنوبى ، يا رحيم ﻻ تكتبنى عندك عقيم "
المهم نمت غصب عنى يومها من تعبى على حجر جوزى ف حرم الكعبه كده و شوفت رؤيه
" شفت نفسى بعيط بحرقه اوووى و شفت ايد من ورايا بطبط عليا و حد بيشاورلى على طريق طويل كده زى الطرقه و كأنه عايزنى امشى فيه و بيقلى اعزمى و توكلى و الله كريم ، مشيت ف الطريق ده و كان على الجانبين بتوعه شجر اخضر طويل كل شجره مكتوب عليها صيغه للاستغفار مختلفه زى استغفرك ربى و اتوب اليك ، استغفر الله ، استغفر الله العظيم من كل ذنب عظيم ، استغفر الله الذى ﻻ اله اﻻ هو الحى القيوم و اتوب اليه عدد خلقه و رضا نفسه و زنه عرشه و مداد كلماته و هكذا الشجر كله كده مكتوب عليه استغفارات و طول مانا ماشيه مش واخده بالى من ضيق الطريق و ﻻ طوله و ﻻ صعوبته و ﻻ مطباته و ببص بس ع الشجر و بقرأ بس اﻻستغفارات عليه كأن اللى وجهنى للى طريق عايز يقلى #استغفرى لحد ما وصلت لاخره و لقيت باب كبير بضلفتين مكتوب عليه سوره #البقره و كل ما اقرا منها الباب يتوارب يتوارب لحد مانفتح و انا سامعه وراه صوت وأوأه اطفال و ملهوفه اشوف لحد ما انفتح لقيت يافطه كبيره مكتوب عليها و عزتى و جﻻلى ﻻرزقن من ﻻ حيله له حتى يتعجب اصحاب الحيل و حد ماسك ف ايده كذا طفل غايه ف الجمال و بيقلى مش قلتلك " الله كريم و هيبعتلك كريم " قعدت اعيط و اضحك و كنت مبسوطه اووى لحد ما صحيت "
فهمت يومها تقريبا ان السر ف #اﻻستغفار و سوره #البقره عملت ورد استغفار يومى بعد كل صﻻه الف استغفار بصيغ مختلفه عشان مزهقش و سوره البقره يوميا اقراها و اشغلها على اللاب ف الشقه تخلص تتعاد و كنت بزيد ف ورد اﻻستغفار لحد ما تقريبا وصل ﻻربع اﻻف بعد كل صﻻه و الله ..
استمريت عالحال ده و نويت على انى هعيد الحقن المجهرى تانى و قد كان و الدكتور قالى بنفس اللفظ لو فشل مش هنعيد ﻻن اﻻمل ضعيف جدا ﻻ يتعدى 2% و اتوكلت و بدأت ورد اﻻستغفار و سوره البقره و عملت و بعد 13 يوم تقريبا و يوم ال 14 تعبت عملت اختبار حمل و الحمد لله اتفاجئت انى كنت من الاتنين من كل ميه حاله زيى اللى ربنا بيكرمهم و عرفت انى #حامل يومها كان قلبى هيقف و الدكتور مكنش مصدق لدرجه عادلى اشعتى تﻻت مرات و التحليل اتعاد كذا مره و الحمد لله على كرم ربنا ^^
يمكن كﻻمى متلخبط و مش مترتب بس حسيت ان ممكن يدى حد امل او يفيد حد يجربه #اوعوا_تيأسوا لسه فى امل الحمد لله ^^
ادعولى بئا ربنا يكملى على خير و ادعوا لكل محروم ما يطول عليه حرمانه و يجعل له من ضيقه دعوة. خير منكم. الله يرزقني.. وإياكم""" الله لا يحرمنا فضله""