السلام عليكم
منقول من قسم آخر
انا لي فترة ابحث في المواضيع ولقيت هذا المنتدى، تقريبا قريت فوق ٢٠٠ موضوع عن الطلاق والزواج. المهم انا بدخل في الموضوع ع طول.
انا عندي اخ الله يحفظه ويخليه عمره تقريبا حول الثلاثين وله عايش خارج السعودية تقريبا من كان عمره ١٨ وتوه جا قبل سنتين. المهم الرجال جا واتوظف وقلنا له نزوجك قال تمام وسألناه عن مواصفاته وكانت بسيطة جدا، وخطبنا له وحدة عمرها ١٩ ورفض حتى انه يشوفها نظرة شرعية علما بانه عاش في دولة متفتحة جدا وهو كذلك متفتح ولاكن رفض النظرة الشرعية وتزوج من البنت وسوا زواج وشهر عسل وووو. الغريب انه زوجته مدلعته وتسوي له اي شي يبيه فعليا اي شي ماتقصر معاه وهو كذلك مايقصر معاها لا بالفلوس ولا باحترامه لها ولاكنه مبتعد عنها يعني اللي فهمته من زوجته انه يجي يسولف ويتغدى ويتفرج تلفيزيون وينام وبينهم علاقة زوجية كثير لاكن مابينهم علاقة حب ابدا. يعني يعاملها كصديقة وزوجة عادية مو من النوع اللي يهتم نامت صحت،راحت بيت اهلها وحتى لما تقوله كلام حلو يرسل كلام عادي. مع انها تقول انه بارد جدا وهادئ الا انه تجيه حالات وهم جالسين يناظر فيها ويسرح وفجأة يحزن ويطلع واحيانا يجي لها مبسوط جدا ويطبخ لها عشا ومدللها. فيه مرة من المرات كان عندنا بالبيت وكان يكلم وحدة اجنبية بلغتهم وكان فيه معاها ولد صغير في الفيديو ووراه امي وقال للولد كلمة مافهمناها وقام الولد الصغير يصفق ويضحك واخوي بعد صفق ويضحك وامي استغربت لان الاجنبية اللي كان يكلمها كان معاها صوت رجال يعني امي استبعدت انه يكون هالولد الصغير ابن اخونا، وكذلك كلنا قلنا ماراح نقول لزوجته عن الموضوع هذا مع العلم بحسب وصف امي انه الولد يشبه اخوي كثير وهو صغير الا انن لما تشوفين تعامل اخوي مع الاطفال ولعبه معاهم تقولين مستحيل يكون عنده طفل ويخليه يعيش بعيد عنه . في الفترة الاخيرة اخوي صار مبتعد كثير عن الكل، والمشكلة كلنا ننحرج نكلمه لانه ابتعد عننا فترة اكثر من ١٠ سنين وماكان يكلمنا كثير. غير كذا كريم مع الكل ولا عمره تدخل في احد.اللي فاقع قلبنا كلنا انه ودنا نعرف ان كان متزوج من اول، عنده عيال، وش كان يشتغل وليه عاش الفترة هذي كلها برا، هو الوحيد من اخواني اللي ابوي الله يطول بعمره اعطاه تصريح للسفر من وهو صغير. ابوي مطلق امي من سنين وتواصلنا رسمي وهو الوحيد اللي كان يتواصل مع اخوي هذا بشكل مستمر ولاكنه يرفض يعلمنا اي شي. اخواني الباقين تجيهم غيره منه لانه ابوي يفضله على الكل في الاعياد ولا يناديه الا هلا بزينة الرجال ويعتمد عليه تقريبا في اشياء كثيرة وهذا اللي محيرنا اكثر. امي ماتتكلم عنه ولا ابوي يتكلم عنه. اخوي ناجح في عمله كثير ودخله حلو ويبعثر علينا وعلى غيرنا يعني ماكنا نتوقع انه ناجح بالشكل هذا ولاكن على نفسه تلاقين ملابسه عادية، اكله عادي، ينام ع الارض او ع الكنب اذا جا زيارة، يعني اللي ابي اقوله انه متواضع وسهل اي احد يتكلم معه ولاكن كلنا فينا الفضول هذا. ودنا نتتكلم معاه ونساله عن كل هلاشياء ، ان كان متزوج من اول، وليه علاقته مع زوجته باردة جدا ومين الولد اللي كان بالفيديو لاكن احس انه بيكرشني لانه مع غيرنا اسلوبه جاف جدا وكلامه حاد وش رايكم وتعليقاتكم وآسفة على الاطالة.
ام هلاك @am_hlak
عضوة جديدة
يلزم عليك تسجيل الدخول أولًا لكتابة تعليق.
Fatima 9017
•
.
الصفحة الأخيرة