من احد المنتديات
آلـسلآم عـليكم ورحمة الله وبــركآته
اسعد الله أوقـآتكم بكل خيـر
إلى آلآحبـة في منتدآنـآ الغـآلي سـوف أحكـي لكم تجربتي في تـعلم آاللغـة آلآنجـليزيـة آمـلاً مـن الله أن تـكون حـافزاً قوياً لكـل مبتدئ في تعلم هذي اللغة ...
في البدآية طبعـاً بقولكـم إني تولعت في هذي اللغة عندما كنت أدرس في الثانوية وصرت هـآوي وقررت إني أدخل تخصص لغة إنجليزية بعد تخرجي مـن الثانوية وفعـلاً ولله الحمد بعد التخرج تم قبولي في احدى الجامعات وكنت متحمس جداً للدراسة ... وطبعـاً لا أخفي عليكم انه كان مستواي ضعيف ولكن كانت لدي رغبة شديدة لتعلم هذي اللغة ...
نجي لآول يوم في آلـدراسة في الجامعة وآخوكـم متحمس على الكورس الآول
... ولكن حدث مـآ لـم يكن في الحسبـآن !! .. يـوم آستلمت الجدول كـآن فيه 6 مـوآد عـربي ومـآدة آنجليزي ... طبعـاً عندهـآ جـآني آحباط قوي والحمـآس اللي فيني طـآر ... لآني كنت أبغى جميع آلـموآد تـكون انجلش ... المهم مـآ باليد حيلـه درست المستوى الأول Level 1 وكـآنت النتيجـة للأسـف مخجلة آخذت رسوب في جميع مـوآد العربي ونـآجح فقط في مـآدة اللغة الأنجليزية...طبعـاً أنـآ كنت مـتوقع النتيجة
.. وفي خـلآل الأجـآزة اللي كـآنت بين آلـمستوى الأول والثاني كنت أفكر في وضعي واني غير راضي عنه... و في يوم مـن الأيام قـآبلت واحد مـن الآقـآرب في مناسبة وهو مدرس لغة انجليزية وسألني عن الدراسة وشرحت له الوضع... وما قصر معي والله دلني على الكلية اللي هو متخرج منها وإن طريقة الدراسة فيهـآ على الوضع اللي أنـآ أتمناه ... وفعـلاً وقتهـآ قررت سحب ملفي والتقديم عـليهـآ... ومـع بـدآية المستوى الثاني سحبت ملفي وأنتظرت حتى بـدآية السنة الجديدة وقدمت ولله الحمد تم القبول...نجي لأول يوم في الـدرآسة وكلي حماس وفعـلاً يوم آستلمت الجـدول كـآن فيه 6 مـوآد انجليزية وكـآنت
SPEAKING, LISTENING, WRITING, READING, GRAMMAR AND VOCABULARY
.. وقتهـآ كـآن شعوري لا يوصف وكـآنت تغمرني السعادة
.. ولكن حدث مـآ لم يكن في آلـحسبآن !! .. ولكن هذا الـحدث زادني سعادة وراحة بـآل .. فوجئت بـأن الآساتذهـ كـآنوآ آجـآنب كـآنوآ 2 هنود و 1 بريطاني و 1 أمريكي و 1 تونسي .. طبعـاً كلهم ما يتكلمون عربي ما عدا التونسي أكيد !!نجي للدرس الأول عند الأمريكي .. أقدر أقـول وقتهـآ كـآن مستوآي مقبول أو شبه ضعيف .. المهم جلست وكنت منصت ومتابع بشدهـ طبعـاً أغلب الـكلآم إذا مـآ كـآن كله مـآ كنت فـآهمـه .. ولكن مـع هذا كنت مـتابع !! كـأني أفهم وش يقـول .. وبـديت أشارك باللي أقدر عليه حتى بـ YES و NO .. وكـآن هذا الحـآل مع بقية الآسـآتذهـ ...
ونجي لدرس الـ Grammar وكـآن عند التونسي وكـآن أبد ما يتكلم عربي وفعلاً هذا كـآن في صالحنـآ .. في البـدآيه الـصرأحة استـثقلنـآ هذا المحاضرة ( تـعرفون القواعد ما يحتاج ) وكـآن الدرس الأول عن الفعل Verb Be واستخداماته مـع الضـمـآئر وانتهى الدرس وانتهى اليوم وكلن راح بيته وآخوكم مـا قدر ينام ذاك اليوم مـن الفرحة .. المهم جاء اليوم الثاني وجات محاظرة الـ Grammar وحصلنـآ الآستـآذ كاتب الضمـآئر على السبورة وبدت المحآضرة وقال قولوآ لي كل ضمير وش يـآخذ مـن الفعل be يعني مثلاً you تـآخذ are و she تـآخذ is وهكذآ .. إلى ان وصلنا إلى الضمير I وهنـآ بدى الحراج بعض الشباب بدوآ يقولون are والبعض يقول is وآخوكم يفكـر وش يـآخذ are ولا is أخيراً قررت انه يـآخذ is !! ( وقتهـآ نسينا شي اسمه am )
المهم الآستاذ كـآن مندهش
و قال بالعربي أنـآ لي 8 سنين هـنآ ولآ عـمري سمعت إجـآبه زي كذا !! ولكن بدآ بعدها بتشجيعنا وتوجيه نصايح وانه لآزم نمارس اللغة إذا أردنـآ تعلمـهـآ ...آلجـزء الآهــم في وآقـع تجربتي !!
وتمر الشهور و والله يـآ اخواني إني ما حسيت على نفسي إلا وأنـآ أدردش وأنـآقش الآسـآتذهـ وكنت مندهش من نفسي وكنت أقول كيف صرت أتكلم أنجليزي وأنا بالمستوى الآول Level 1 ؟؟
ولكن بعدين وجدت الآجـآبه وهي إني تعلمت التحدث عن طريق الأستماع !!
والحمد لله يـآ اخوآن أبشركم انه من المستوى الآول إلى مستواي الآن Level 6 الدرجات والمعدل مـآ يحتـآج مـآ شـآء الله تـبآرك الله ورآضي كل الرضـآ عنهـآ وناوي بعد التخرج بعثة للخارج إن شـآء الله .. ادعولي بالتوفيق ..
واعذرونـآ على الآطـآلة و آيضـآ آعـذروني على طريقة صياغة بعض العبـآرات وعـدم الكتـآبة بالفصحى ..
وإن شاء الله الموضوع يـكون حـآفز قوي للمبتدئين ..
ادعولي اتقن اللغة الانجليزية ,,,,,يارب آآآآآآآآآآآآآآآآآآآآآآآميييييييييييييينننننن
اموت فيها و ادي اتكلمها