مدري وش أقول بس العادات تختلف
احنى ماعندنا الزوج نهائي يضرب
وان صار وضرب مستحيل تمر السالفه مرور الكرام ....
مدري كيف تضربين زوجك وتضلين معه ...
احس اهانه له ...
غير كذا انتي غلطانه ماقدرتي طلبه وجيته لك
مفروض الأمور اللي بينكم والزعل ماله دخل بالطبخ وانك ماتفشلينه قدام اصحابة وجماعته بالعكس أتوقع لو سويتي اللي طلبة بيشوفها كبيرة
وبيعمل لك اللي تبيه
عموما اللي راح راح بس انصحك اختي
لاتشيلي الاحترام مابينكم يصير الوضع مع الوقت استفزازي
كمان بقول شغله
موضوع الضرب وكلام حمواتك ماعليك انكري او طنشي الناس مسولفه مسولفة مالك في احد

يلعن ام التحريش
اتقي الله
فوق غلطها تشجعوها على الغلط
هي عارفه زوجها كسول
ياختي تأخذ منه فلوس وتكلم هي عامل او احد من أهلها او اهل زوجها يجيب العامل التصليح
فيه مليون حل
بس لا تحرشوها ع العصيان وخراب بيتها

زوجك حاول فيك بالطيب وبالغصب عشان تبيضيين وجهه قدام الرياجيل وانتي عييت تطبخين له وبالنهايه صار الي صار وراح لامه تطبخ له.سؤال ! انتي كيف رضيتي ع نفسك ان زوجك يشيل اللحمه ويخلي امه تطبخ له وانتي وش كان دورك.معليش ندري انك تعبانه وتكرفين بس زوجك الفطور الجماعي جاء فجاه كان قدرتي موقفه وطبختي له وبيضتي وجهه.صار الي صار لانك عييتي تسمعين كلمه زوجك تبيين تفشلينه قدام الرياجيل وكأن مافيه وراه حرمه ف البيت تطبخ وتنفخ ماغير امه هي اللي تطبخ له.كان احتسبتيها اجر لك وقمتي طبختي ونفضتي الكسل عنك وعينتي من الله خير .ولا بذمتك ذا نوم لين٥العصر كان قمتي بدري من الساعه٣نظفتي بيتك وصلحتي فطورك ذا رمضان كل الناس تصحى من بدري .وتري انا بالجنوب وغباااارنا حتى بالليل الله وكيلك وعادي ننظف ونشتغل رمضان هو كذا لازم يتدبل الشغل وازيدك من الشعر بيت امي مطلقه وانا ارمله ووحدي بالبيت واطبخ وانظف ف بيت امي وارجع بيت ابوي انظف واعطيه فطورة وصابره ولله الحمدلله.ليتك طبختي اللحمه وتفلتي ع الشيطان.ربي يسخر زوجك لك ويسعدكم وخلاص زوجك ضربك واعتذر لاتخربين حياتك ب الأسى والحزن عيشي حياتك مع زوجك ونبيهه مايعيد الكره وانتي كمان حاولي تساعدين زوجك بنفسك وحاولي تعدلين منها.والله يوفقك ي رب

غلطان يعلم باللي صار ببيته ولا له حق اصلاً يضربك وانتي علمتيه السبب كويس انه اعتذر قليل يرجعون يعتذرون يكابرون الشي الثاني واضح من انتقادها لك مليان غيره فلا تهتمين ل اي احد يتكلم فيك وسكتيهم عشان ما يتمادون وزوجك لازم يسوي الباب وعلميه قد ايش بسببه تروح كل طاقتك ماعاد تقدرين تهتمين بالبيت وبنفسك بالتوفيق ❤️.

لييييييش سكتي لها !!
إن ثاني مره تكلمت هي أو غيرها بموضوعك ..
ردي عليها وش دراكم باللي بيني وبينه ..ترى مايدخل بين اللحم والظفر إلا الوسخ
ليشششش سكتي كنتي تردين بأي رد ابسط شي
مين تقصدين حمار !!
خليها تقول أنتي وهو ..تتصلين فيه قدام الناس وتقولين فلانه تقول عنك كذا ...
الحريم مايهابن إلا اللي ردة فعلها غير محسوبة ..
وخلي تفاهم زوجك مع زوجها وخلي سالفتها سالفة الموسم