منكم نستفيد/ يمنع فتح تجمعات بدون أخذ إذن المشرفات

السلام عليكم ورحمة الله وبركاته
حبيت نسوي تجمع للارامل في القسم
وكل واحده تكتب تجربتها بعد موت زوجها وكيف قدرت تكمل حياتها طبيعي
وتربي عيالها اذا في عيال وكم جلست وقت حتى تعودت ع فراقه
وهل فكرة تتزوج بعد زوجها او تزوجت
او اي وحده تعرف قصه ارمله تحكيها
والكل يستفيد
ببداء بنفسي انا ارمله زوجي الله يرحمه باقي ماكمل السنه من ماات
ولين الحين موقادره اتأقلم او انساه
احياناً احس اني قويه وان هذا قضاء وقدر
واحياناً انهار واحس اني احتاجه وان حياتي من بعده ولا شي
عندي بنت
حالياً احس اني ضايعه ماادري وش ابغى او اسوي او بالاصح ماعندي هدف بالدنيا بعد موت زوجي 😭
تمر علي فترات اكره كل شي
حالياً ماافكر في الزواج لاني احب زوجي ومقتنعه ان ماراح احصل في الدنيا مثله الله يرحمه
وافكر بعد ببنتي كيف راح يكون وضعها بعد الزواج
فالافضل ترك الفكره نهائياً