منهااااارة ومتحطمة وماني عارفة ابدا من جديد

الله يخليكم ساعدوني....,

انا في حالة انهيار كلي واحس اني تحطمت وتدمرت وماعاد في شي بهالدنيا يفرحني...تكفون اسمعوني للاخير..انا بنت جامعية وجميلة ..انخطبت وانا عمري20 من واحد كنت رافضته تماما بحسب انه ماعنده شهادة جامعية مثلي هو موظف عادي وعنده شهادة متوسطه..واول ماخطبني كنت ما ابيه بس كانوا اهلي حييييل متفائلين وحابينه وحابين اهله لانهم ناس من اصل معروووف وكان معروف عن زوجي او يوم سالوا عنه الناس كلها مدحته حيل وانه انسان مستقيم وخلوق وطيب وحنون وفعلا يوم اخطبتني امه كانت تقول عنه كلام موطبيعي هي واخته الكبيرة وكانت اخته تقولي اخذي رقم مرت اخوة الكبير واساليها شلون عايشة عندنا وانها حيل مرتاحه وكانت تقولي والله ان اخوي هذا من بد اخواني كلهم معروف بحنانية قلبه وطيبته وكرمه وان احنا نحبه ونغلية اكثر اخواني ومانبي اي وحده تاخذة لانه يستاهل اميرة ...وفعلا وافقت بعد ماسمعت هالكلام..وتقاضيت عن التكافؤ الاجتماعي بينا وعلى قوله اهلي ان الشهاده موكل شي..ووافقت بعد الحاح...وملجت , وبعد مده اتصلت اخته وقالت بيجي يشوفها ويقعد معاها وفعلا جاء هو واهله وشافني وفعلا يوم شفته حيل ارتحت ودخل قلبي وكنت احس نفس الشعور بعيونه..وبعد الزواج..

لاحظت اني لا اسمع كلام جميل منه مثل ياعمري ياحياتي..مثل اي اثنين متزوجين جديد...وتقاضيت عن الامر..وانا اقول في نفسي يمكن عشان للحين مايعرفني عدل..وفجأة وانا عروس في ثاني اسبوع بالضبط..كنت كاشخه ولابسة ونزلت عند خالتي وبناتها..واستقبلوني استقبال حار وبفرح..وكانت موجوده زوجه حماي(اخو زوجي)..وكانت تناظرني بنظرات غريبه..وكنت اشوف بعيونها اسئلة كثيره وفعلا كانت تنتظر الفرصه لنبقى وحدنا وعندما خرجت خالتي وبناتها من الغرفة ...وبسرعه وهي تناظر الباب سلمت علي وابتسمت لي..وسالتني شلونج مع زوجج انشاءالله مستانسه جاوبت بشكل طبيعي الحمدلله وفجاة صعقتني بسؤالها ....ممكن اسالج سؤال محرج مع انج للحين ماتعرفيني عدل جاوبتها لاعادي اسالي ولا تقول لي زوجج يقولج كلام حب وغزل انا انصدمت وكانها تدري عن وضعي حاولت تدارك ارتباكي وجاوبتها اي عادي ليش تسالين ..ولاتقولي الله يهنيكم بس انا صارلي متزوجه 3سنوات وعندي طفلين وليومج هذا ماسمعت كلمه حلوة منه لدرجه اني بعض المرات اقوله قولي هالكلام ولو بالجذب وكان يرفض ..انا هني صعقت وفكرت اني انا بعد الظاهر نفس حالتها وزوزجها مثل زوجي...وفعلا انا قمت انام ببيت اهلي تخيلوا مايدق ولايطرش مسجات اللهم اذا اهو عند الباب يدق يقول اطلعي...ولانطلع اي مكان اللهم السينما مرتان بس...ويوم اقوله خنطلع يقول مالي خلق ..بس كنت الاحظ اشياء غريبه ببيتهم وفيه كان 24ساعه يقرا قران ويحط على قناة القران بالليل ومرة جاءتني اخته الكبيره تقولي ان اخوي تعبان نفسيا شوي وحبيبتي ابيج تصبرين عليه شوي..انا قتلها ليش هل هومني..جان تقول لا لاوالله مومنج..بالعكس اهو ينزل ويقول احس اني مخنوووق موقادره اتنفس وبنفس االوقت مابي ابين لبنت هالحلال انا ماشفت منها شي وقاعده احاول قد ما اقدر اني مابين اخاف تحس ان منها..زتقول احنا قاعدين نقرا عليه...وتحلف لي تقول اخوي حييييل متغير مايسولف ولايتكلم بس قاعد وساكت واهو كان من النوع المرح والمضحك...


ومن جهة كنت الاحظ اهتمامه بعض الفترات وفعلا كان من النوع المرح حيل لدرجه يدخل الشقه وهويضحك ويعلق وصارت بينا مواقف حييييييل حلوة وذكريات حلوة

وبعدين قمت الاحظ شكه..كان يمسك تلفوني ويسال عن رقم رقم..وانا من النوع اللي كنت مدلله طلعات وسفرات مع اهلي وكنت الاحظ اسئلته الغريبه انتي وين طلعتي ووين سافرتي وليش ماكنتي تلبسين عباية وانا ماكنت ادري انج من النوع المتحرر..مع العلم انه لبسني غطوة ورضيت لعيونه..وليش عندج ايميل ومن متى مع العلم خليته يدخل على ايميلي وماكان يلقى علي اي شي الحمدلله لاني فعلا بنت ماعندي خرابيط وانسانه محترمه لابعد الحدود ومعروفه جدا بحياي وخجلي..وصارت بينا مشاكل بخصوص هالموضوع بس الحملله تجاوزناها وحليناها..وكان دايما مايحب يخليني بروحي لدرجه اذا خالتي وبناتها طلعوا ومافي احد بالبيت كان يجلس بالشقه معاي ولايطلع وكنت دايما اذا نزلت وقعدت مع خالتي والبنات يجي ويجلس ويعلق ويضحك معاي ومع امه جدام مرت حماي(اخو زوجي)وخواته وصرنا مرتاحين وقمت احس باهتمامه وحبه..لدرجه اذا طلبوا اهله عشا كان دايما يوصيهم على ان يكون المطعم اللي انا احبه عشان يصعدونه لي..وغيروغير من المواقف الحلوة اللي موقادره انساها وفجاه بعدشهرين من زواجنا..تغير180درجه قام يدخل الشقه كلا ساكت وسرحان ويوم اسئله فيك شي متضايق من شي انا مضايقتك احد مضايقك يرد ويقول الله يخليكي مالي خلق لا تدوخينا...ويدخل ويخليني وينام ولابينا كلام ولاحتى سلام...واستمرت هالحاله12او13يوم قمت احس اني عايشة مع اخوي يدش يقعد نطالع التلفزيون مع بعض واحنا ساكتين ولابينا اي كلام حب ولاحتى ضحك وسوالف..انا نفسيتي حيل تعبت وامووووت الف مره..وكنت ساكته ومتحمله..وانا اشوفه انسان ثاني...دايما يفكر وسرحان ومتجاهل وجودي تماما...وفجاه قلت لامي وقالت خلاص تعالي وفعلا كلمته وقتله ابيك توديني بيت اهلي وفجاه صدمني واهو يدري اني زعلانه من وضعنا وقال خلاص يالله البسي وفعلا لبست وركبت السياره واحنا هم ساكتين ولاكلمه ليما نزلت ودخلت وانا ميته من البجي اشوي بالليل ولاداقه حماتي اخت زوجي وتقول عسى ماشر حبيبتي رايحه بيت اهلج امانه بينج شي بينج وبين اخوي وفعلا قتلها الموضوع كيت وكيت وان اخوج حيل متغير واني عايشه مع اخوي موزوجي صرت احس..انصدمت من ردها تقول اي انا عارفه ولا الغلط موعليج بالعكس على اخوي وانتي ماعليج شي بالعكس انتي انسانه مومقصره وانا وامي وخواتي نعزج معزه مايعلم بها الا الله وانتي حيل غااااااااااااليه فعلا كانت علاقتنا انا وخالتي وبناتها حيل قوية وان خالتي كانت حسبه امي وخوات زوجي حسبت خواتي ..واستمريت زعلانه اسبوع ولااحد دق وسال لاخالتي ولابناتها وبعدها امي دقت بتشوف شنو سالفتهم وانصدمت امي يوم كلمت خالتي تقولها حسبي الله ونعم الوكيل ولدي موطبيعي ولدي تغير ولد انسان ثاني اقوله ليش مزعل زوجتك يقول انا وياها مومتفاهمين تقوله هي مقصره يقول لا بس خلاص انا مااقدر استمر..وخالتي تقول هالكلام وهي تبجي ..وتحلف لامي والله ولدي فيه شي ولدي معانا انا وخواته متغير..موولدي اللي اعرفه وربيته ..وفعلا راحت امي وجابت اغراضي واستقبلتها خالتي وهي منهاااااااااااره وتبجي مو بس هي والله تخيلوا حتى خوات زوجي يبجون بجي موطبيعي..ويحبون راس امي ويعتذرون لها..وبعدها جاء زوجي اهو وعمي عند ابوي وقعد يقول زوجي لابوي اعذار موطبيعيه وفتح الملف اللي سكرناه وحليناه من البدايه..وقام يطلع اعذار موطبيعيه..والحين صارلي شهر ببيت اهلي وحاولوا ناس شكثر يصلحون الامور بينا ويروحون له تخيلوا شيرد يقولهم انا كل شي بيني وبين هالبنت انتهى خلاص انا موقادر..لدرجه ان اهله يبجون ويقولون له حرام عليك البنت موناقصها شي وتحبك وخالتي حيل تعبت من موضوعنا وكان يرد عليهم يقولوهم تبوني اردها عشانكم اردها بس انا لا مابيها تخيلوا..وانا الله يعلم اني ماسويت له شي باره فيه وباهله وعمري ماضغطت عليه بشي..ولاراددته..بالعكس مطيعه له..

وقبل فتره جاء عمي يقول لابوي انه ولده موطبيعي وتغير واصبروا عليه يعني اصبر ببيت اهلي ليما يرد لعقله والله يعلم متى يصير هالشي ابوي رفض وقال هذا موذنب بنتي فوق كل اللي سواه فيها ..وقال عمي لابوي خلاص ورقتها بتوصلها انشاءالله خلال هالايام


وانا في حالة صدمه موطبييييييييييييييييييييييييييييعيه شلي حصل انا موفاهمه شلون خلاص كل شي انتهى بهالسهوله وليش وشالسبب..وشذ نبي اطلق وانا توني21سنه ومن 3شهر فوق مارضيت فيه وتقاضيت عن اشاء وايد يسوي فيني جذي والناس للحين ماشافت حتى صورعرسي والناس قاعده تباركلي ويسالوني شلونج ياعروس وهم مايدرون اني ببيت اهلي ..بعض صديقاتي دروا وانصدموا لدرجه انهم حتى بجي يبجون ويقولون انتي اخر انسانه نتوقع انها تتطلق وبالعكس كنا نفكر ان اللي بياخذج محظوظ وامه داعيتله لانج انسانه كامله ..والناس كلها واقفه معاي واني انظلمت حتى اهل زوجي تخيلوا معاي..

وانا من يوم هالصدمه احبطت وفكرت اوقف قيدي بالجامعه والله يعلم ان مايمر يوم ما ابجي لدرجه ان مره اسعفوني المستشفى ما اكل ولا اشرب...ولا اطلع وقمت ما حب اشوف احد..ولاحتى اداوم بلكليه خايفه من نظرت البنات لي والناس شبتقول عني....وبنفس الوقت مو قادره انسى زوجي لانه لاطقني ولاسبني عشان اقدر انساه افترقنا بدون سبب اوبالاحرى مادري شالسبب ؟؟؟؟؟؟؟؟؟
وكل محد يشوفني يقولي الله يعوضج...وانا اقول منو بيفكر يتزوج مطلقه؟؟
حاسه اني بموووووت وموقادره اكمل حياتي


ليش يصير فيني جذي وانا انسانه طيبه لابعدالحدود واخلاق وطول عمري حافظه نفسي ..كنت اقول كل حبي بطلعه لزوجي..

والحين كل البنات اللي بعمري تزوجوا وفتحوا بيوت
وانا مثل ماطلعت من بيت اهلي رديت له وانا بقايا انسانه
وثقتي بنفسي تدمرت واحس اني ماراح اتزوج ولا اوفق بزواج من بعد صدمتي

بس الشي الوحيد اللي ودي اعرفه ليش تغير فجاة وشلي خلاه يصد صده مو طبيعيه

وقبل فتره واحد من اهلنا راح وقهد مع اخو زوجي وقاله لازم في سبب من ان اخوك بيطلق موطبيعي بدون سبب رد حماي اخو زوجي وقال مره جاء صديق زوجي المقرب وطلب زوجي وزوجي رفض يطلع له وبعد اصرار قعد مع صديقه وقاله حرام عليك ليش بطلق وزوجتك مافيها شي وللعلم صديق زوجي انسان متدين وامام مسجد ورد زوجي وهو يحاول يخلق اعذار قالولي متدينه وطلعت مو متدينه رد صديقه قاله انت تعلمها على الدين سبب ثاني قاله قالولي جميله وطلعت موجميله انصدم صديقه وقاله هذا موذنبها ذنب اللي غشوك ورد عليه صديقه وقاله انتا شكلك قاعد تلعب



مع العلم اني جمييييييييييييييييييييييييييييله جدا وهو جاء وشافني بعد الملجه وقعد معاي لولم اعجبه ليش كمل الزواج هل فعلا اني ماعجبته احس ثقتي اهتزت حيل مع ان الكل قال انه انسان مريض وانه عمي مايشوف؟؟وهو بنفسه قالي انه انسحر بجمالي لما شافني
ومره قالي انه لم ياخذني عشان جمالي لان جمالي برايه لايدوم وانه اهم شي جمالي الداخلي وهو قلبي ورديت وقتله صح كلامك

زيييييييييييييييييييين شلي غير كل هالكلام وشلي حصل تكفوووووووووون ساعدوني احس اني تعبت ومليت من التفكير بهذا الموضوع؟؟وموقادره انسى اللي حصل لي
برايكم شنو سبب كل هذا

وشلون اكمل حياتي وانا حامله لقب مطلقه هالشي متعبني حييييييييييييييييييييييييييييييييييييييييل وكل ما اتذكر امووووووووت الف مره وقاعده انهار بشكل مو طبيعي لدرجه اني مره وانا راده من الجامعه وانا اسوق تذكرت اللي صارلي وانهرت وقعدت ابجي وصفطت على جنب وقعدت ابجي بشكل هستيري ليش يصير فيني جذي ..فوق مارضيت فيه..

الاغلب يقول هذي عين جتكم
والعين صارت بزوجي
لان فعلا الكل يسولف عني شلون طلعت بالعرس وعلى جمالي وعلى زوجي
وللعلم ان زوجي عنده بنات عم يبونه بس هو مافكر فيهم
ياترى شنو سبب كل هذا براااااااااااااااااااااااااايكم؟؟؟؟حياتي انهدمت على ولاشي
وبدون سبب والله حرااااااااااااام حراااااااااااااام