منهارة والسبب بنتى

بنات ساعدونى انا عندى بنت عمرها 4 سنين بس ماشاء الله عليها شقية وحركية بطريقة غير طبيعية وانا حامل فى التامن وكمان عندى توام عمرهم سنة يعنى مطحونة وهى بجد جننتنى لدرجة انى مسكتها من يومين والله حسيت انى خلاص هموتها من الضرب بس ربى ستر وضميرى معذبنى عليها انى بضربها بقسوة وعارفة انه حرام وربى هيحاسبنى عليها بس بنات بجد مهما وصفت هى مخربة وعفريتة ومستحيل تسمع كلامى واللى زاد وغطى طولة اللسان يعنى تردلى الكلمة بكلمة وممكن توصل انها تشتمنى تخيلو والله انا منهارة وماكنت اتخيل انه يكون عندى بنت كده وجربت قبل الضرب كل اساليب العقاب مافيش فايدة معاها مش عارفة الغلط فين هل ده غيرة من اللى فى بطنى وغيرة من اخواتها ولا ايه وطبعا ابوها مزود الطينة بلة لانه شديد معاها ولا كانها بنت فى العشرين وهى تخاف منه موت وتسمع كلامه وانا ولا تعملى اعتبارولا كانى طفلة معاها ارجوكم ساعدونى ازاى اقومها من غير مااؤذيها بدنيا ونفسيا وطبعا التبول اللارادى وقضم الاظافر شغالين وقلبى متعذب بسببها لانها برغم كل قلة ادبها وشقاوتها فهى بنتى اللى نفسى اشوفها احسن بنت فى الدنيا وهى على فكرة جميلة جدا ماشاء الله وذكية وخايفة تكون محسودة لانها هى واخواتها ماشاء الله اجمل منى انا وابوهم بكتير ربى يحفظهم وكل الناس بتعلق على كده
مش عارفة ارجوكم ساعدونى الحق بنتى اربيها كويس لانى خايفة تكبر على كده وربى يسالنى عليها