منهارة ودمعتي ع خدي

يارب لطفك ورحمك بهالشهر الفضيل
بحياتي ماتهنيت ولا فرحت وتمنيت شي وسويته
دايم انكسف
خططت اسوي حفل تخرج وماصار
حفله زواجي وماصار
بفرح بمولودي واسوي تقديم وماصار
دايم اي شي بخاطري مستحيل
دايم احاول افرح اللي حولي ماعمر احد فرحني بشي
والله اني طيبه وع نياتي وبسيطة وأرضى بسرعه مااحقد ولا احسد بس عيبي عنيده وعصبيه واغلط بالكلام لاعصبت
اليوم تناقرت مع زوجي
من وانا بالسابع أترجاه ابي ملابس و بجهز مولودي وبسوي استقبال قال ان شاء الله نسافر يومين وتخلصي كل اللي تبغيه بس انا مشغول هالشهر اول مااخلص نسافر سكت
والشغاله مواعدني وماشفتها
فجأة قرر بنقل بيتي وسكني بجنب جارتي بمدينتهم تبعد عن مدينه اهلي ساعتين قبل رمضان وكل البيتين حوسه وترحيل وتعب مادريت انها جارتي الا بالصدفه وسكت من سكنا هي سافرت والى الآن مدري زعله مدري ايش سالفته
قال بأثث لك قلت لاولدت ع خير لأَنِّي احتاج اثاث من تزوج ماأثث لي الا شي بسيط
اليوم عاد انفجرت قلت مابقى الا أسبوعين وأولد وانت ماعندك نيه قال لاتأدبتي وديتك يستفزني بكلامه
قلت هذاي ساكته وانتظرك تقول امشي مافيه فايده
وطلبت مافيه فايده
قال مو هذاك اليوم تقولي امي بتشتري لي خليه تورينا
قلت امي ماتبي أتضايق وبتشتري لي تغييرتين للشنطة
ماقالت بشتري كل شي
قبل قال امشي ودقوا اصدقاه ورجعني للبيت قال ساعه واجي وسحب علي يوم جاء قلت امي تشتري لي ولا تمن علي ونتناقر وارفع ضغطي -وماسكه علي -


قال انتي متكبره قلت منك اتعلَّم هذاك متكبر وماتراني شي وفلوسك برأس الجزمه ع قولتك
ماراح توديني حولي لي فلوس قال لا قلت غصب عليك انت زوجي وملزوم فيني وهذا من حقي
لي كم شهر ساكته الناس يشتروا ملابس عيد وانا ابغى ملابس نفاس
قال احترمي نفسك بلا قله حياء لاتأدبتي و و ومن هالكلام ويغزني بعيونه نظرات احتقار استفزني الصراحه -يابنات وضعه المادي موب شين ومشتري سيارة وهذاه يتصدق ويقول شريت وسويت يعني عنده سيوله تحز بخاطري صراحه وش بيضره لافرحني والله ماحسدته الله يزيده اضعاف-
قلت هذاي صبرت وكل شي سويته وخلصت كل التزاماتك باقي انا قال مو شغلك وش أحط وش اسوي وقال قلت حياء ورديت عليه قلت حياء احس يتمتع لاذلني وهانني وقمت رجف الطاوله علي ورجفته عليه ومطارد بالدرج يقول وقفي ببعد عنه وطحت ع ظهري بالحمام وضربني صنبور الدش وانا ابكي الله لايوفقك قال هذا اللي فالحة فيه بس تطيحي
وزرني مع ملابسي قال اللي ماتحترمني ماله جلسه عندي قلت مو طالعة باقي أسبوعين وأولد كمل إحسانك ولاتشوفني ابد بعدها
وانفجرت صياح نزل بعدين طلع يوم هدا وجلس يتكلم انتي ماتبغيني ولا حبيتيني ولاتبغي بيتك قلت لو اطلب حق من حقوقي يعني ماابي بيتي
قال كل تصرفاتك تقول كذا
قد مرة زليت بلساني قلت انا اخذه واحد اكبر مني ابستقر ابيه يكون اعقل وأثقل مو اتناقر ع صغيره وكبيره انا وياه ومسكها علي
وإنَّك جالسه عندي غصب وبتجربي حظك قلت هذي حياة عشرة مو لعبه لو مابيك ماحملت منك وجلست عندك
لاتضغطي على نفسك وتجلسي عندي غصب ترا مو بس انتي تتعبي غيرك يتعب (مافهمت قصده)
قلت ماطلبت شي مستحيل كلها ملابس من حملت ماحسستن انك مبسوط بأول ولد لك كأنه هم ع قلبك ومسبب لك قلق (ماخبر اهله وزوجته انه بيجيه مولود الا قبل اسبوع وله شهر وضعه ماعجبني ومفطر عند اهل زوجته اليوم وراجع متضايق ومسكت وصارت الطقة بي انا)
قال نص ساعه وأجيب له المحل كله قلت بعد ماتضايقني وترفع ضغطي
ماله داعي مابي شي قال من بيجيب لك بعد قلت مابي الا انت
حبيت رأسه وقلت آسفة مع انه الحق معي
بس هو طبعه زعول


قال بطلع وبرجع الفجر نكمل الحديث
وانا دمعتي ماوقفت ادري بيرجع مطنقر وبيجلس شهور مانسى وش اسوي كيف اتصرف ؟؟