منهاره من زوجي تكفون ساعدوني

السلام عليكم انا رح اعرض مشكلتي على طول رجاء بدون تجريح ولادعاء مابغى احد يدعي عليه ابغى حلول
اللي رح ينصح يحط نفسه مكاني تكفون انا قلبي مليان هموم مابغى ردود جارحه تزودني هم
أنا تزوجت من سنه ونص من شخص تعرفت عليه من موقع زواج كان التعارف عن طريق اخته وتقدم لخطبتي وبعد السؤال عنه تمت الموافقه مشكلتي ماعرف من وين أبدأها انا حبيته بجنون ورزقت منه بطفله مادري عن مشاعره ناحيتي كنت اعتقد انه يحبني هو عصبي وانا عصبيه ومشاكلنا كثيره جدا ودايم توصل لحد اني اطلب اتطلق وهو يبدأ يلوي ذراعي ببنتي ضربني مرتين خلال هالفتره مره اعتذر ومره انا من غبائي اعتذرت لاننا كنا على وجه سفر وخفت تخرب السفره مع انه ضربني ضرب مبرح انا للحين مو عارفه من وين ابدأ والله اكتب ودموعي تسبقني حسبي الله ونعم الوكيل هو موظف براتب عالي بس عايشه معاه عيشة فقر والله مااقدر اطلب منه لو حتى كريم من الصيدليه شكلي تغير بشرتي اندمرت عيوني تكحلت بالسواد صرت انسانه بشعه ماعاد اقدر اهتم بنفسي ولابيتي كنت اهتم من اول بس انسان مايلاحظ الاعيوبي اذا البيت مرتب مايثني على تعبي واذا تكركب قامت الدنيا على راسي وانا انسانه مريضه وصحتي على قدي وهو عارف هالشي احيان يساعدني واحيان يقلب فرعون من غير سبب مااقدر اعزم احد لاني رح اتفشل بضيافتي لهم ولااقدر اسوي واجب مع اي احد لانه مارح يعطيني واذا عطاني بهواش ونكد انا موظفه بس الفتره الماضيه كلها من تزوجته وانا اجازه علشان الحمل والولاده وحاليا ارعى طفلتي ماينزل لي راتب بس هو دايم يخطط على راتبي لما ينزل انه رح يبقي لي منه 3000وياخذ 8000علشان رح يبدأ يبني واذا عارضته زعل وهددني بالطلاق وياخذ بنتي انا كنت احبه بس الحين شعوري ناحيته من الكره لايوصف على قد ماعانيت معاه من مشاكل من يوم عرفته مايمر اسبوع من دون مشكله مارحمني لافي وحم ولاحمل ولانفاس كان يسوي لي مصايب مو بس مشاكل انا الحين تعبت خلاص ابغى حلول طبعاً العلاقه الجنسيه من اول الزواج يعني ممكن مرتين او ثلاثه بالاسبوع حاليا بالاسبوعين والثلاثه طبعا خلال العلاقه يطلب مني اتخيل معاه اشياء جنسيه غير الواقع يعني وانا اجاريه بس هالشي يجرح انوثتي لان احس انه مايشتهيني لازم يتخيل علشان يقضي حاجته ويستغل فترات يكون عندي العذر علشان اريحه هو فقط مع خيالاته المعتاده وانا تعبت من التمثيل قتل انوثتي وقتل فرحتي وقتل احلامي عالأقل قبل اتزوج كان عندي احلام وحياه ثانيه اهرب لها من الواقع بس قتلها كلها بواقعه الأليم ولاتقولون ادخل اهلي لان اهلي اذا طلقوني منه بيعطونه بنته ولارح يقبلون يربونها وغير كذا انا تزوجته غصب عنهم وادري بيلموني على سوء اختياري وانا نفسي ماتحمل عتب وناس كثير اذا تطلقت خصوصا من اقاربي رح يشمتون فيني وانا خايفه من نظرات الشماته دلوني على حل ايش اسوي في هالنكد والله تعبت ودايم افكر انتحر بس افكر في بنتي واتراجع