منهاره يارب رحمتك 💔

السلام عليكم ... ف البدايه اشكر صاحبه المعرف انها سمحت لي اكتب مشكلتي جزاك الله خير .. بنات انا فهم ما يعلمه غير ربي اتمنى تتحملوني انا متزوجه من ثلاث سنوات ونص عانيت كثير عشان احمل ما بقت عمليه ما سويتها وكل دكتور يقولي شي مره تكيس ومره انسداد الانابيب وكنت توني ما مرت ع زواجي سنه بس لانه زوجي كان مستعجل ويبا عيال وقلت ما فيها شي لو سعيت وتوكلت ع ربي وتصدقت وسبحان الله اللهم لك الحمد حملت بدايه السنه الجديده هذي ٢٠١٧ وتوي ف الشهر الثامن والله والله من كثر فرحتي بكيت وصليت شكر لربي الله يرزق كل محرومه يارب .. المشاكل في كل بيت زوجي انسان ما بظلمه طيب معي بس عصبي وشكاك وكنت اتحاشاه قدر الامكان الين قبل سبوع صارت سالفه شك فيني اني مسويه شي مو زين عذرا ما اقدر اقوله وانا ع نياتي لاني الحمدلله واثقه من نفسي بس تغير علي كنه ما صدقني وهذي مو اول ولا ثاني مره وانا اعدي وانسا واستغفر بس هالمره عصبت وتميت اكلمه اني انا موب م شارع ومن هالكلام وما كان قصدي اعلي صوتي بس انا اسلوبي كذا صوتي من الله يعلا بدون لا حس وسواها كبيره و يقولي انتي كذابه ومو صريحه معاي واسلوبك بيضيعك ويضيعني ووايد قال كلام وقال الله يرزقني وبتزوج من كثر قهري قتله تزوج ٥ مو بس ١ وعاد شوفني باحلامك وقتله وديني عند امي قالي بوديك بعد ما تولدي عشان اخذ الولد 💔😭😭 بموووت لما قال كيذا حسيت انه الدنيا ما واسعتني م الهموم انا لي تعذبت م كثر العمليات ودكاتره ف نهايه يهددني بياخذه وهو بعده ما جا ع دنيا يا بنات بعدها تفل فوجهي ومسكني من وجهي بقوه يبا يضربني وحلف قال لو مو حامل كنت والله ضربتك ويقولي اكرهك وانا والله يا بنات مو مدح فيني بس ما قصرت بشي معاه والحمدلله مهتمه بنفسي فوق الوصف ومو من كبر سني عمري ٢٤ سنه لعنت بليس وصليت ركعتين رحت اكلم اخوي الكبير بس للاسف حسيت نفسي صدق مقطوعه من شجره قالي تحملي عشان لي فبطنك وطنشيه قتله جال يشك فيني حتا تلفوني اخذه يفتشه وبعدها سكت احس اني وحيده ومقهوره ومو عارفه شسوي المصيبه اني متزوجه بعيد عن اهلي لازم طياره عشان اروحلهم يارب ساعدني ..