منهو يحبه كل شعبه ويغلييييييييييه؟؟؟ظ

إلى مقام والدي خادم الحرمين الشريفين الملك
:26: عبد الله بن عبد العزيز:26:
أطال الله عمره بخيرٍ و أحسن عمله









هذا المليك اللّي نفدّي ترابه


و هذا العرين اللّي نذوده و نحميه


هذا الإمام و كلّنا في جنابه


و هذا الكريم و كلّنا قلب يفديه


هذا الرحيم برضوته أو غضابه


المستقيم لشرعةٍ ما تجافيه


الله عطاه من الحمولة مهابه


هدّت جبال و ما تنوّخ معاليه


عاتي الصعايب تنتخي يمّ بابه


و إنّّه عليها ثابتٍ في مواطيه


جمّع به الله كلّ عطف بصلابه


سخّر له الله دعوة الناس تحميه


ما أحدٍ عرفه إلا يقول بصوابه


و لا أحدٍ دعاه إلا يلبّي مناديه


و لا أحدٍ قسى وقته و أقبل خرابه


إلا و أبو متعب يمّه يداريه


يا أبو النجايب و الحكم و اللبابه


يا لهفة الظامي ليا جاك ترويه


كأنّ الله اللّي كمّلك في مهابه


خصّك بفضلٍ مصطفيه و مصفّيه


خادم بيوته و الحصين لكتابه


حامي حماه و ربّ هالبيت يحميه


هالشعب كلّه حاملٍ لك ركابه


والَى وليّك و العدى من تعاديه


منهو يا أبوي بمثل جودك سخا به


و منهو على تقواك تلقى خطاويه ؟


منهو كما قلبك وسيعٍ رحابه


و منهو يعزّي مثقلٍ من شقاريه ؟


منهو تواضع مجتنب ما زهابه


ترفع به أفعاله و تصدق هقاويه


منهو وهبنا خيره و كلّ ما به


طيبه و حلمه و استقامة مباديه ؟


منهو حكمنا و الشريعة كتابه


منهو طلبنا بالنصيحة نوافيه ؟


منهو سبقنا بالجمايل حسابه


منهو أملنا به لهدين يحميه ؟


يردّ به كيد العدو في حِرابه


فعل القروم لمن يدنّس أراضيه


منهو فتح باب العفو و المتابة


و أول قرارته عفا عن معاديه ؟


منهو جعل عينه و مسكن هدابه


لشعبه اللّي عزّهم منّه و فيه ؟


منهو تحمّل ما عنا الوقت جابه


مهموم قلبه يا عسى الله يسليّه


منهو عظيم بحضرته أو غيابه


و منهو يحبه كلّ شعبه و يغليه ؟


منهو عجز شعري يوفّي جنابه


محشوم قدره لا حشا وش يوفيه


لا الشعر يقوى يرتقي له هضابه


عالي مقامه ، و المعالي نداويه


لا جيت أقفّل هالشعر ردّ بابه


كأنّه يريد من القوافي تواليه


ماني بجمل هرجةٍ في خطابه


و لا ني بحمّل غير شوفي قوافيه


أدين لله بالولاء و المهابه


و أدين لله بالفدى لأرضنا ذيه


يالله نصرك له و أيّد جوابه


و احفظ خطاه و وفقه في مراميه


و اجعل سياجه عزوةٍ من قرابه


تاقف بصفّه ضدّ منهو يأذيه


و اللّي غدر به جعل غدره يطا به


و الليّ يحبّه جعل ربّي يخليه






الله لايحرمنا منك يارب :26: :26:
يالله بنوتات اللي عندها قصيده عن بابا عبد الله تحطها هنا