منهي اللي سبت ذاك اليوم ببرنامج ســوان ؟؟ تجيني هنا

عندي فشة خلق بذبها عندكم هنا .... ماحد بيسمعني غيركم اني داريه
خصوصا حبيبة قلبي الحلوه اللي شالت وحطت على هالبرنامج .. وانا معها ولا معها بنفس الوقت ..

كان ودي رديت بموضوعها ذاك اليوم بس اني كنت مستعجله

مادري اذا شفتوا البرنامج تو بحلقته الاخيره .. ؟؟
شي عجب !!!

بس اذا بعلق عليه .. برأيي .. المفروض عمليات التجميل وتغيير المظهر الخارجي اذا لجأت اي وحده منا لها ,, تسويها لسبب واحد .. انها ترضي نفسها وتسترجع ثقتها بمظهرها وانوثتها ..
ابدا مهو على شان تبرز جسمها قدام الغرباء وتستعرض بالتلفزيون وعلى البحر .. ولا حتى على شان الزوج ورقعة وجه الزوج ..

فقط على شان تسترجع انوثتها اللي راحت مع الحمل والانجاب ..

اما اللي تو تقول انها كانت امرأه كئيبه وطلبت الطلاق وماتقدر تستمر مع زوجها واطفالها لان معدتها مترهله وصدرها نازل ؟؟؟

معقوله !! .. الحب والحنان اللي بتعطيه الوحده للزوج والأبناء والتفهم وتقديم المساعده ووجودها لجنبهم اهم من كل شي .. حتى المظهر الخارجي ..

بالنسبه لي حامل للمره الثالثه وصدري بدأ يلفظ انفاسه الاخيره وفعلا صرت اخجل منه مثل ماقالوا الهوانم ببرنامج سوان .. طبعا بطني ماجا دوره للحين

بس اذا شفتوا كرستينا .. فعلا انا مثلها حتى لارقصت نفس الازمه
نفس الضمور والنحف بعد .. يمكن انا احسن منها بدرجتين وحول .. من يدري وش بسوي بس اولد على خير ..

الله يعين
:06:

بس فعلا وجيههم توردت وارتفعت معنوياتهم وثقتهم بانفسهم .. لولا تعليقاتهن السخيفه عن يأسهن وقنوطهن وانعدام ثقتهن وفشل حياتهن الزوجيه بسبب مظهرهنرغم انه بالغالب عادي بس يحتاج عنايه شوي

اللي ابغى اقوله : ان المرأه لازم يكون لها كيان واهتمامات اخرى .. واهميه بالمجتمع وخصوصا ان دورها يماثل دور الرجل واعظم من ناحية التربيه وتنشئة الاجيال ..
مو الموضوع بس تحفه مجسمه ؟؟ ومظهر مصقول !!
لابأس انها تسوي عمليات تجميل (ولا ادري عن حرمتها او حلها) ولا بأس انها تسعى خلف الموضه والجمال وكل شي بس مو انها تخلي نفسها صفر وتكتئب وتضيع لمجرد ان عندها صدرمقزز ومعده غير مسطحه .

واخيرا .. تذكروا الانسان عامه والمرأه خاصه كل شي مع الزمن بينهار تدريجيا ولا يدوم على حاله الا وجه الله .. مهما سووا


وتصبحون على خير ..