صباح الخيرررررررر
ربنا يرجع دندون بالسلامه ويخليكم يا نانى انتى ودون - لاحظت يا نانى انك دائما فى كل ردودك بره الصفحه بتعملى دعايه لصفحتنا هنا يمكن عشان ما تكرريش الالوصفه ويمكن لارتباطك بدون وارتباطها بيكى وبصراحه دى روح جميله جدااااااا كنت اتمنى اننا كلنا نبقى كده.
ممكن يا نانى تقولى لى على الباتون ساليه ماما كانت عايزه تشترى امبارح قلت لها لا انا هعملوه ودورت كثير فى قسم المعجنات ما لقيتش
فممكن طريقه سهله وحلوه عشان ماما دائما بتفطر بيه ولكى جزيل الشكر

بنبونايه ازيك

باتون ساليه
1 كيلو دقيق
نص كيلو سمنه
4 بيض
1 ملعقه صغيره ممسوحه ملح
1 ملعقه كبيره كمون
1 ملعقه كبيره خميره بيره + ملعقه صغيره سكر
حوالي من 1 إلي 2 كوب حليب أو ماء للعجن
الطريقه
ندعك الخميره مع السكر إلي أن تسيل ونضع عليها ربع كوب ماء دافئ ونتركها لتخمر
نفرك السمن مع الدقيق
نضيف البيض المربوب ونقلبه مع الدقيق
نضع الخميره ونقلب
نكمل العجن بالحليب .. حتي تتكون عجينه متماسكه وناعمه لتكون سهلة التشكيل
يضاف الكمون ونعجن مرة أخرى
نترك العجينه تخمر حوالي ساعه
نشكلها أصابع رفيعه كالقلم ..ونتركها تخمر
نخبزها في فرن حرارته فوق المتوسط قليلا ونركها تنشف بعض الشيء

هبه ..
طريقة الباتون ساليه سهله ..وبهذه القادير جميل جدا
لكنها طريقه دسمه بعض الشيئ للإفطار اليومي
أعملها في بوفيه المناسبات ..
وممكن تقليل السمن بعض الشيئ ..
بكده تكون وسط بين البقسماط والباتون ساليه

ميرسى يا نانى اوى بس لو قللت السمن هتبقى حلوه ؟
انا فاكره زمان مره جارتنا جات عندنا وعملته لنا وكان مقدار السمن قليل جدا مش فاكره قد ايه بس كانت بتحط بالملعقه
هكتب لك ثانى

معلش يا نانى اكيد اسئلتى كثيره وسخيفه بس عشان اعمله النهارده بليل ان شاء الله
ممكن اعمل 2 كوب دقيق ونصف كوب سمن وبيضه ؟
اصل كيلو دقيق ده كثيررررررررررر قوى ما فيش غير انا وماما وماما تقريبا بتشم الاكل مش بتاكل زى الناس ايه رايك؟ ينفع اقلل السمن من مخى كده ولا يبقى ناشف لان ماما بتشتريه جاهز وبصراحه بيبقى خفيف جدا للفطور

الف شكر يادون انك وفرتي علي التعب وجبتيلي الطريقة علي طول
ربنا يكرمك يارب انت وناني