زئردة يا ريت حبيبتى تكتبيها هنا...

ok من عنيا

دون ربنا يخليكي ليا يارب انتي عسسسل ;) والله لسه كنت بقلب الصفحة وعمالة ادور اقولك ابعتي طريقة القطايف ازاي ( ماانا شيف بقي :cook: ) لقيتك حطتيها ربنا يخليكي ليا يا جميل

طيب موضوع الجبنة الرومي احطها في الكبة لوحدها :nerd: ,, طيب ليه ؟؟ تبقي ايه يعني ؟؟

تسلم ايدك يا ناني علي فكرة انا فعلا بحب النعناع مع الجبنة :2thmup: و مامتي بتحطه مع السلطة بجب طعمه قوي بس الناشف مش الطازه :27: مش عارفة انتي قصدك الناشف برضه

تمتووومة

اعتقد الجبنة تتحط فى الكبة علشان تتفرم
وتبقى جاهزة عنك على طول على الحشو...

وبالهنا والشفا مقدما..

بعد اذن الشيفات الكبار أوى

مقادير الدنش :


2 1/2 كوب دقيق
1/2 كوب لبن دافى
1/4 كوب مية دافيه
2 1/2 م/ص خميرة
1 بيض
1/4 كوب سكر
1/2 كوب زبدة مثلجة قطع

الطريقة:
نحط البيض مع الدقيق والزبدة فى العجانة والبيض
ونحط الخميرة فى اللبن الدافىء والمية ونضيفهم على الخليط
ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية

وبعدين ناخدها ونفردها ونبتدى نشكلها كالتالى
1- نقطعها مربعات متساوية ونشق أطرافها هيكون عدنا حوالى 4 مثلثات ونقفل من كل مثلث عندنا حرف لجوه
2- نعمل مربع ونقفله زى السمبوسك الناحيتين قدام بعض لتكون شبه المثلث
3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل
4- نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا
5- نعمل مربع ونقفل كل ناحيتين قدام بعض لحد ما نحصل على شبة الظرف المقفول
6- ممكن نعمل مربع ونقفل ناحيتن قدام بعض بس ونسيب الناحيتين التانيين
(كل الاشكال سوف تظهر فى الصور واضحة ان شاء الله)
بحملها وهنزلهالك
نسيبهم يخمروا مرة تانية قبل ما نحطها فى الفرن
ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة

لعمل الكاسترد :
نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة

لتلميع الوجه بعد ما يستوى الدنش :
نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن

أما اللى عاوزين الصور بالظبط يقدروا يدخلوا للموضوع .... صور عمل الشيف صفحة 21 وصور اللى أنا عملته صفحة 22

وبالهنا جميعا