لا والله يا ابله دوون انا قلت ابص عليكم
لقيتكم ما شاء الله ولا حول ولا قوه الا بالله فى الصفحه 40 وانا سيباكم فى صفحه عشره
انتى عارفه انا كنت مريضه وممنوع عنى الاكل
فكنت باحترم نفس وما ادخلش عندك خالص
ولا عايزانى اشمشم روايح اكلك الجباره وااقدر اقاوم وما اكولش
فلما خفيت كده قلت ادخل اخد كام صينيه على كام حله
بصراحه انتى وابله نانى ربنا يبارك فيكم
ومتتخيلوش انتم نفعتوا ناس قد ايه بوصفاتكم دى
اسال الله انها تكون فى ميزان حسانتكم
خلاص براءه يا ابله دون
لا والله يا ابله دوون انا قلت ابص عليكم
لقيتكم ما شاء الله ولا حول ولا قوه الا بالله فى الصفحه...
المخروطه
دى اكله صعيدى شويه تشبه المكرونه الاسباكتى ولكن بتتسوى زى طريقه الكسكسى
الحله وفوقه المصفى على البخار يعنى
مقدار من الدقيق
وماء للعجن
وسنه ملح
ينخل الدقيق ويضاف له الملح ويقلب
ونعجن حتى تصير عجينه صالحه للفرد
ونعملها كور
وكل كوره يتم فردها جيد بالنشابه او المردانه
حتى تصير رقيقه جدااا ثم تلف كالسويسرول
فى ماكينه توضع بها الرقاقه المطويه دى والماكينه بتخرطها مثل الاسباجتى
وفى طريقه السكين انك تقطعيها بالسكين العادى رفيع جداا زى الاسباجتى
ونكون مجهزين الماء المغلى فى الحله وفوقها المصفاه
ويلف ما بين الحله والمصفاه داير داير بقطعه عجينه حتى لا يتسرب البخار بعيد عن لمصفاه
ونضع قطه من القماش وبها مقدار العجينه المخروطه كالاسباجتى ونغطيه
وبعد ربع ساعه نخبط عليها ان اصدرت صوتا اجوف ليه رنه يعنى كده استوت
نزلها من على النار
ونضعها فى طبق غويط وتقلب بالسمن البلدى وهى ساخنه او بالزبد
وتاكل وعليها لبن وسكر
او عسل اسود
ملحوظه انا بعمل كميه كبيره واشيلها فى الفريزر واطلعها وقت الطلب
يا رب اكون افدتكم
ام باسل