منو استخدمت الروكتين لحب الشباب؟؟؟

مرحبا الغاليه

الصراحه انا ماستخدمته
بس بنت عمتيه استخدمته وفادها

عزيزتي تقريبا اول شهر او شهرين بتلاحظين ان الحبوب كل ما ياينهن يزيـــدن ليش؟؟ :( لانه هذا الدواء يظهر الحبوب اللي في الجسم سواء في الويه او اي منطقه ثانيه وطبعا هذا شي وايد زين لانه في المستقبل ما بيظهرن لج هاي الحبوب
وعقب ما يظهر الحبوب بيبدا يعالج يعني بينشف الغدد الدهنيه اللي تساعد ع ظهور الحبوب
وان شاء الله الغاليه تستفيدين منه

اما بالنسبه عن الواقي من الافضل انج تسألين الدكتوره او الدكتور اللي تتعاملين معاه لانه هو بيوصف لج الشي المناسب للبشرتج ( كل بشره تختلف عن الثانيه )

:) وان شاء الله استفدتي مني اختى

انا استخدمته تحت اشراف طبي بصرااااحه رووووووعه لحب الشباب وااااايد فادني بس لازم تحت اشراف الدكتور ولازم ما تكوتين حامل وتسوين فحص دوري على وظائف الكبد أصلا الدكتور بيخبرج بكل شي المفروووض وبالتوفيق :)

انا استخدمته وابدا مازادت الحبوووب بالعكس بدت تخف واحسه ماجفف بشرتي واستخدمت واقي شمس مرررررررره حلو اسمه_هيليو كير))لونه برنقالي ومن جوا كأنه كريم اساس وخذي الجل منه

انا ستخدمه من شهرين والحمدالله تحسن ملحوووووووظ استخدم مع الحبوب فيتامينات ومرطب للشفايف ماركت روك واي مرطب للجسم .......... والحمد الله

ماانصحك فيها الا اذا كان حب الشباب عندك مزمن ومسويلك تشويه
انا كنت ابستخدمها وصفها لي دكتور في عيادة جلديه بس لما رحت لدكتورتي الخاصه قالتلي ماانصحك ابدا لانو ضررها مايبين الحين بس على المدى البعيد وقالت يكفيك انها تئذي الجنين لو حملتي فما بالك بجسمك؟؟ انا بصراحه خفت ولا استخدمتها لاني اساسا ماكان فيني الى شوي ووصفتلي كريم مرة فاد ني
ومن ناحيه ثانيه صديقتي استخدمتها سوالها عروق بعيونها وشحوب بوجهها للحين ماراحت مع انها صارلها سنه مخلصه العلاج
ماانصحك ابدا حبيبتي تستخدميها
ويكفيك تشوفين مشهورات عالميا فيهم حبوب ولا استخدموها ماسالتي نفسك ليه؟؟؟مثل برتني سبيرز