منو الغلطان و منو معاه الحق مادري . .

السلام عليكم و رحمة الله و بركاته . .

يعطيكم العافيه ، شلونكم عساكم بخير خواتي ، هذي اول مشاركه لي بالمنتدى حبيت اطرح مشكلتي و ان شاءالله تعطوني رايكم واستفيد منكم . .
بالبدايه انا متزوجه لي سنتين الحمدلله ، والله لحد الحين مارزقني اطفال و الحمدلله على كل شي . . مشكلتي انه من اول ماتزوجنا واحنا كله زعل طبعاً قبل زواجنا كان بينا حب يعني ماخذين بعض على حب الحمدلله ، قالي انه راح يقعد شهر كامل يعني مثل ماتقولون شهر عسل بس ما قعد من ثاني يوم زواج راح الشغل يطلع من الصبح ما يرجع الا بليل متواصل
اهوه يشتغل اعمال حره يعني مو حكومي وانا زعلت قلت له ليش ما قعدت كل المتزوجين جذي لازم ياخذون راحه وبعدين زواج هذا مو لعبه قال بعدين ، المهم لي سنتين واهوه كله يطلع من الصبح ويجي بليل وبالسنه الثانيه زادت صار بالمره يجي الساعه 1 و 12 و 2 بليل متواصل طبعا مايرجع البيت اتصل له مرات ما يرد يقول ضغط علي شغل يشتغل بسيارات عنده محل وطبعاً عمي ابو زوجي يجي يقعد عندنا جم شهر ويروح ويرجع وانا ساكنه بشقه غرفه وصاله لان اهل زوجي مستقرين برا الديره بس يجي ابوه يسوي جوازات بطايق شغل عنده ويروح طبعا يقعد عندي اكثر ما يقعد عند اهله برا والله من اول زواجي يجي يقعد 4 شهور 5 شهور يسافر بعد شهرين يرجع وجذي وتعرفون ما في خصوصيه وانا ابوي متوفي من صغري من عمري 5 سنوات وماعندي اخوان يعني مو متعوده وفهمت زوجي ماعليه انا ما اعرف صعب علي ومو قادره. اخذ واعطي مع ابوك ما اعرف وزوجي الله يهديه دايماً جذي يطلع من الصبح وانا وابوه بالبيت شسوي اروح عند اهلي وارجع وعلى هالحال الحين السالفه امس بعد جه البيت الساعه 1 ونص بليل وانا ظليت زعلانه وجه ما قعدت معاه طق البيت قلت له مابي افتح وقال ماشي قعد بصاله طلعت قال شفيج مشينه النفس قلت له يعني ماتدري قال انتي ماتفهمين انا اشتغل وانا وانا وصار صراخ بينا طبعاً انا حدي انفجرت قلت له حرام عليك لي متى انا كله بروحي شنو كل يوم بروح لاهلي كل يوم من الصبح ولا الظهر تطلع وترجع بنص الليل ليش ماتحس فيني ماتقول عندي حرمه بالبيت قاعده تنطرني كل يوم اكل بروحي صارت حياتي كله فون وملل ومافي تقدير انا تحملت بما فيه الكفايه يقولي انتي لسانج طويل مادري شنو من حرتي شسوي ابي احد يفهمني قال لما ابوي يسافر احاول اجي بدري وجذي وناخذ راحتنا ومن هسوالف سافر ابوه وماتغير شي يقولي انتي ماتقدرين وشلون ما اقدر قالي نكديه وجذي قلت منك انت بيدك الحل شنو البيت فندق لك تطلع من الصبح وتجي بليل متاخر بتعشى وتنام على طول او تنام على طول وانا شنو ماتقعد تسولف معاي تسالني شفيج مافيج يقولي انتي الغلط قلت ربي شاهد منو بفهم يا خواتي منو الغلط قولولي شسوي اهلي مابي اقول لهم لان مره دخلهم زوجي بسالفه وصار زعل حيل بينا وقلت خلاص مابي اشكي حتى لاختي تعبت والله مو حاس مادري او يعرف يتعمد انزين شسوي اذا نفسيتي تتعب من هالعيشه الحمدلله يارب بس انفجرت مليت وسامحوني كلامي يمكن ملخبط اعذروني ومشكورين على قرايتكم لموضوعي الله يسعدكم جميعاً يارب