منو بتشجعني على انزال الوزن واتابعني كل يوووم

اااااااااااه والف ااااااااااالف ااااااااه من السمنه

مليت طقت جبدي تعبت من السمنه

شهيتي مفتووووووووووحه بطريقه مو طبيعيه
ولا افكر ان يمكن عيد قريب زواج حفله او طلعه مهمه اكل اكل واكل

وانصدم وقتها ان مافي شي يدخلي::angry:: ولو دخل يبان فيه الزوايد :09:
شووووووو اسوي كرهت الطلعه

المشكله ان لو لعبت رياضه او ركبت على سيكلي ريلي تتعب بسرعه لان فيها ضعف في العظام والعضلات والشرايين من الولاده حتى ايدي اليسار

الكل يقولي عادي ابدا وراح يخف الالم ااه ااه اه على ايام المدرسه كنت الف المدرسه الف لفه ولا اتعب كنت نشيطه ومااتعب

بس الحين:icon33::icon33: تعالي صيحو علي من خطوتين يجيني الم انام ع السرير اسبوع
لين انتفخت
بس قررت قرررررررررررررررار نهائي
باقي تقريبا اسبوعين بالضبط على العيد وبعدها 3 اسابيع زواج وحده من اهلي
اريد اكون محتللللفه روووووعه رهييبه بس ما احصل الا الاحباط مافي تشجيع
بس ادري فيكم حبوبات وطيوبات وبتوفقون وياي صح وتنوون علي نيه قشرا :angry::خخخخخخ
لا ترحموووووووني بليز اريد على الاقل للعيد انقص 8 او 10 كليو وبعد العيد 12 15 كليو بلييز لا تتخلون عني

انا اشتريت العده وبخبركم شو خذيت وتعلمت من القسم الحلو هذا

اشتريت حبوب رديكتل 15 مل لانكم تعرفون شهيتي المدمره خخخخخخ
وبصراحه جربتها من يومين تسدددددددددد النفس وحتى لو خالفه مااقدر اكثر من 2 سندويش وين ايا 3 وال4 خخخخخخخ
حتى الاثنين مااقدر اكمله يعورني بطني
جبت حليب رشاقه خالي الدسم
كورن فلس الديك للطوارئ بستخدمها مره في اليوم
برتقال وكيوي وتفاح حلو صح؟ عشان ما ادوخ لا
وكريم البارتنر لف رهيييييب في اذابه الدهون اشتريته من وحده

برنامجي كالتالي :
الصبح لاني اسهر لين 6 ونص قلت بمسح بطني واردافي من الكريم وبلبس شورت ضاغط من اي محل تلقونه بمشي ويا الوالده في الشارع الجو رهيب ومافي ناس اخذ راحتي في المشي وما اضغط على ريلي لين تتعود لو 15 ساعه
اقوم الظهر خخخخخخخ كسوله لا اخذ الحبه واكون ناقعه بالليل ماي مع زنجبيل وقرفه سمعت انه رهيب لازاله الدهون ابا تجارب لها لو في اهني
واشرب منه 4 غرش في اليوم وغرشتين ماي عادي
على الساعه 4 باكل زبديه صغيره كورن فلكس وبعدها بساعتين اشرب حليب وعلى الساعه 9 اختمها بكيوي او برتقال
صح على العصر بدهن مره ثانيه الكريم والعب على السيكل والساعه 10 بعد اسوي نفس الشي
انا سويت هالنظام من يومين مع لخبطه شوي وبدون رياضه ما حسيت باي دوخه او جوع لان اولا الحبه تسد النفس واخذ الفواكهه والحليب يعني ماناقصني شي صححححححح
يالله بلييز ابا تشجيع قووووووي وراح اكتب لكم كل يوم يومياتي ولو خالفت احلف اني اكتب وما اخبي عنكم ونازعوووووووني خخخخخخ ما ايي الا بالعين الحمر
وبهتم في بشرتي ونازعوني بعد لو ما اهتميت فيها بكتب لكم جدولي الشعر والوجه
السبت :الوجه (السدر+روب+ماي ورد) والشعر : (سدر+روب+زيت زيتون+بيضه) ساعتين
الاحد:(شوفان+روب+عسل +ماي ورد) الشعر خلطه رهيب (حنه+شاهي +ناسكافيه+بيضه 3 ملاعق روب+شوي زيت زيتون +عسل شوي )وتعجن جيدا وتترك تتخمر ساعتين اللي تجربها 3 شهور بتدعيلي توضع ساعتين او 3
الاثنين الوجه:(روب+عسل) الشعر (1م مايونيز+1م روب+1م عسل+1م حمام زيت+1م زيت زيتون) توضع ساعتين
الثلاثاء:الوجه(سدر+روب+ماي ورد) الشعر خلطه الحنه
الاربعاء :الوجه (طين مغربي+ماي ورد) الشعر (روب+بيض+زيت زيتون)
الخميس:الوجه خلطه الشوفان والشعر خلطه الحنه
الجمعه:الوجه:(طين مغربي+ماي ورد) الشعر زيت بدون اي اضافات
ملاحظه خلطات الشعر انا استمريت عليه 3 شهور او اقل وكل من شاف شعري تخبل عليه واللي ماتقدر كل يوم بس تستخدم خلطه الحنه بعد فتره يصير شعرك كانه مستشور رهييييييييييب
تقريبا نقصت 2 كليو وعقبال الباقي :icon28::icon28:

السموووووووحه طولت عليكم بس حبيت افضفض لكم