منو تعرف اطباق حلى بالجلي ؟؟

مرحبا غاليتي..


عندي كم وصفة إن شاء الله تعجبك..



أول شي تسوين جلي باللون اللي تحبين...وتصبينه بصينيه بايركس...وتضيفين الفواكة المعلبة..وتدخلينه الثلاجة لحد ما يجمد...

وبعد كذا تسوين دريم ويب ضرفين مع كاس حليب وعلبة قشطة وأنا أحب أضيف لها ربع كاس كريمة خفق...


وتصبينه فوق الجلي والفواكة...


وبالعافية على قلوبكم..



وطريقة ثانية..


تسوين كيكة بتي كروكر عادية بالفانيلا...


ولما تستوي..تخرمينها شوي بالسكين..وتشربينها جلي..


أنا أحب أنوع...يعني أسوي كيسة جلي فراولة+توت+كرز+ليمون...


ضروري تكون الكيكة ساخنه..والجلي فاتر..عشان يتشرب صح...


وبالنهاية تغطينها بالدريم ويب...





وبالعافية...




وبعد...؟؟؟







أمممممممممممممممممم...



تسوين جلي بالنكهة اللي تحبين وتضيفين له فاكهة..


يعني سويتي ليمون..تحطين شرايح ليمون...


فراولة..تضيفين شرايح فراولة...




إن شاء الله يعجبونك...




إذا تذكرت شي بضيفه..



في أمان الله...

حلى قهوه بالجلي
ط1:بسكوت وزبده
ط2:علبه زبادي-8فناجيل سكر-6فناجيل حليب بودره وتدخل الفرن من فوق
ط3:جلي احمريصب عليه ولكن بعد ان يبرد عشان مايخرب الحلى
ودخليه الثلاجه لما يجمد وقطعيه صغير وقدميه مع القهوه

اعملي باكيت جيلي بالطريقة المعروفة وهي انك تذوبي الجيلي

بكوب ماء حار ثم تضعي كوب ماء بارد وتصبيه في صينية بايركس

وتضعيه في الثلاجة حتى يتماسك وانا عادة استعمل جلي بالفراولة

وبعدين تصفي طبقتين من بسكويت الشاي بعد ان تبليه بالحليب

فوق الجلي ثم تعملي كريمة دريم ويب + علبة قشطة +3 حبات

كيري تخفقيهم في الخلاط وتضعيها فوق طبقة البسكويت وتزينين

الوجه باالفستق المطحون وتضعين الصينية في الثلاجة لحين التقديم

وبالهنا والعافية :26:

هلا حبيبتي قطعة السكر عاش من شافك وين الناس ؟؟

طرقك مررررررررررررة حلوة وراح اجربهم ان شالله



مبرقعة حولا مااااااافهمت منك اي شي ممكن اذا تكرمتي تشرحين لي مرة ثانية بالتفصيل ولك مني جزيل الشكر


ماريا الف شكر حبيبتي طريقتج سهلة وشكلها مسكتة ان شالله باسويها



الف شكر لكم بنات



وياليت لو باقي البنات يتحفونا بطرق ثانية بعد مع جزيل الشكر

السلام عليكم جميعا

ايش هالحلاوه كل طريقه احلى من الثانيه جزاكم وجزاكي يا بنت وبس كل خير


عندي طريقه ماما على طول بتعملها ربي يحفظها ويجمعني فيها
الطريقه سهله وما تاخذ وقت

الطبقه الأولى جلي فرواله بعدين بسكوت بس حطي البسكوت بعد ما يبرد الجلي شوي
يعني هو راح ينغمس شوي بالجلي ويصير ثابت ثم حطيه بالثلاجه وبعد ما يجمد
حطي عليه كريم كرمل يكون بارد وكمان حطي بسكوت نفس الجلي وبس يجمد حطي مره ثانيه
جلي ثم بسكوت واخيرا غطيه بطبقه من الدريم ويب وزينيه بالفواكه المعلبه

وبالعافيه