منو تعرف تسوي شوربة تدخل

شوربة العدس راااائعة جدا

افرمي بصلة صغيرة جدا فرم ناااعم وبعدين حمسيها بالزيت وبس تدبل حطي فوقها نصف كاس عدس احمر الصغيير وحركيهم مع بعض بعدين حطي بمقدار قبضة ايدك رز مصري مغسول فوق السابق وحركيهم مع بعض

ثم حطي فوقهم مقدار كاسين ونصف ماء وخلليهم يغللو طبعا بالاضافة للملح حسب الرغبة وذرة حمض
حتى تصبح لونها ذهبي واذا حبيتي حطي معها مكعب ماجي عن جد بيطلع الطعم اروع واروع

وبس تسمك شوي اطفي عليها وتقدم مع عصرة ليمون وبالعافية

شوربة الكويكر بالحليب

اول شي تحمسي بصل الى ان يذبل وتضيفي اللحم المفروم والملح والبهارات اللي عندك وبعد مايستوي ضيفي ماء مع كويكر حسب الرغبة وبعد ماتطبخ نخلط طماطمة واحده بالخلاط ونضيفها له

وبعد ماتغلظ الشوربة نضيف حليب بوعلم له وتترك لتغلي شوي وبعدين طفيها

وتعالي ذوقيها تجننننننننننن صراحه وممكن تسويها بالدجاج بعد

هل من مزيد اابي بعد كل يوم ابي اسوي شوربة من ذوقكم

شوربة عدس مافاي أسهل منهاااااااااااااااا شوفي المقادير والطريقه .. رهييييييبه بالفعل جربهااانا راح أعطيج كميه وسط اذا تبين ضاعفي المقدار..

يبي قدر وحطي نص كوب عدس و3 ونص أكواب ماء وطعي 2 بصل صغير وحطيه و3 ملاعق كويكر واحد ماجي وقليل من الملح اذا احتاج وكزبره .. وخليه يفوووور لين يستوي الكويكر والعدس في الأخير ضيفي جزر وبطاط مقطعين صغار جدا وبالعااااااااااااافيه بس بالفعل لذيذه :)

شوربه الدجاج بالذره (مثل اللي في شاينيز)

حطي الماي في الجدر

ضيفي للماي ملعقتين اكل نشا(طحين ذره)

ضيفي باكيت شوربه خلاصة الدجاج

مكعب ماجي

ذره معلبه (حب او مطحون او اللي مطحون شوي مع كريمه) وتقدرين تستخدمين ذره مثلجه

شويه صويا صوص (قطرات)

ملعقه جبن كرافت سائل (اختياري مب لازم)

وخليه يفووور

قبل لاتطفين النار ايبي بياض بيضه واخلطي بسرعه وعلى طول طفي النار

ان شالله يعجبج

ملاحظه الكميه ل 6اشخاص تقريبا