منو تعرف لسمك الميد

السلام عليكم ورحمة الله وبركاته
شلونج اختي بنت كيفان قريت الاسم وفز قلبي قلت لازم اساعد بنت ديرتي واعطيها الطريقة سهلة ولذيذة وان شاءالله تعجبج

تاخذين الميد وتنظفينه بالطريقة المعروفة لتنظيف اي نوع سمك وبعدين يملح من الداخل حسب الرغبة
تهرسين راس ثوم وتخلطينه مع كيس صبار منقوع مسبقا في ماء ومصفى مع اضافة البهارات اللي تحبينها يخلط الجميع ويوضع القليل منه في سمك الميد من الداخل اما من الخارج يدهن بخليط مهروس التمر مع الكركم

تحمى التاوة "الصاج" وتدهن ويقلب الميد عليها حتى ينضج

يقدم مع الرز المفلفل وعليك بالعاااااافية مقدما واتمنى انها تعجبك

هلا والله بنت كيفان00

شهيتيني والله00 عاد هالايام وكته00 كبار ولذيذ0

ماقصرت وسامي بالطريقه ومبيّنه لذيذه 00 صح ممكن تسوينها علي التاوه عالفحم وممكن بالفرن بس يقلب على طول لانه بسرعه يستوى وبالعافيه0

مشكورين يا بنات وتسلمون انشالله هالخميس بسويه وبرد لكم خبر. بس يا العنبرية اشلون احط فحم عالتاوة؟؟؟ ما فهمت وضحيلى.وتسلمين يا ويامى عالطريقة مرة ثانية

اسفة وسامى غلطت بالاسم بس ولدى بهذلنى قاعد يمى ويطقطق عالكى بورد. اشبغيت اقولك اذا تعرفين طبخات سمك ياليت تكتبينها ودى اتعلم كمطبخة سمك زينة واقدر اتبل الميد بالطريقة العاديه للسمك واشويه والا ما يطلع حلو؟؟

الفحم يا بنت كيفان تحت التاوه موعلي التاوه000 يعني حطي الفحم بالشوايه وحطي عليها التاوه يعني (حديده مدوره)
مثل التاوه الّي يسوون عليها خبز الرقاق بعدين حطي عليها الميد00 وسلامتك