منو جربت الزيت الأخضر الفلبيني لتقشير الوجه؟؟

السلام عليكم ورحمة الله وبركاته


يا بنات يا حلوات عندي لكم سؤال وياريت تجاوبوني عليه يعني البنات الي جربو يجاوبون ويخبروني عن نتايج التجربه

السؤال هو منو منكم جربت الزيت الاخضر الفلبيني للتقشير على ويهها وهوزيت معروف وكان مسوي ضجه فالمنتدى

انا استخدمته اول شي للركب بس قشرها بشكل فظييييييييييع ويخوف

والحين ويهي صار اللهم ياكافي من اثار الحبوب واريد اشيلها بسرعه خلاص اجازتي السنوية والي هي مدتها بس شهر ومفعول الرتين اي حلو بس بطي :(

قلت اشوف شي اسرع ومفعوله حلو لاني سمعت من وحدة من ربيعات اختي انه قشر ويه بنتها وخلها ويهها يلق يلق ونطيف وخلال اسبوعين بس

بس تقولها تحملي التقشير ماله لانه فظيع .. :eek: وهو مكتوب عليه انه مصنوع في الفلبين ومستخلص من أحماض الفواكه ويقشر الويه خلال 3 ايام وتشوفين النتيجة ويصلح بعد يكون واقي للشمس ويمسح على الويهه صباحا ومساءا


الي جربت بليز ربي يخليها تفيدني وتقولي وتشور علي والله يعطيكم العافيه..