منو حج السنه اللي طافت

اهلين يالغالية انا حجيت السنة الي طافت بصراحة الحج رووووعة ايام عبادة بجد والله تمنيت الحج ماينتهي طبعا يالغالية
احنا مشينا يوم 7 وجلسنا في منى يوم التروية وبعدين رحنا عرفة وطبعا الجو في عرفة كان حار حار حار جدا نسال الله الرحمة سبحان الله هذا والشمس بعيده كيف يكون حالنا يوم القيامة والشمس تدنو منا مقدار ميل الله يرحمنا بعدين مشينا مزدلفة طبعا الجو كان روعة بس اخر الليل كان بارد وقبل الفجر رجعنا منى ورمينا جمرة العقبة ثم رجعنا المخيم ونمنا الى العصر كنا ناوين نروح الحرم نطوف طواف الافاضة لكن كان في زحمة في الحرم عاد اجلناها ورحنا الحرم الساعة 10 في الليل وطفنا ثم عدنا الى المخيم وفي اليوم الحادي عشر والثاني عشر رمينا الجمار ثم ودعنا منى بكل حزن والم وذهبنا الى الحرم وطفنا طواف الوداع
وهكذا انتهت رحلة الحج
انا حجيت في حملة وزارة الدفاع
طبعا خذي اكثر من شوز لان مع المشي العام انقطع الشوز كما لازم يكون خفيف ومريح عشان تقدرين تمشين براحة
خذي معاك ملابس خفيفه لان العام كان الجو حار بس خذي لبس ثقيل شوي لان في مزدلفة يكون الجو بارد
خذي معك عبايتين وكمان طرحتين لان الجو حار
هذه الاشياء المهمة
كمان يالغالية خذي معاك مطويات عن اعمال الحج وزعيها هناك لان بعض الحجاج عندهم جهل فيها انا بصراحة تندمت ما اخذت معاي
وماشاء الله يهنيك ولاتنسينا من دعواتك في عرفات الله يمد في عمري واحج مرة ثانية ..................

فديت قلبك يالغاليه
تسلمين الله يكتبها لك في ميزان حسناتك
وينور دربك ويسعدك دنيا واخره

هلا فيكـ

اهم شيء ياحلوه في الحج انك تروقي وماتعصبي وحاولي تتاقلمي مع اللي حولك ..

والحج مره روعه ولاتفوتي ولادقيقه بجد تكوني خايفه وتفكري بس بجد ايام عباده وذكر..

خذي معاك اكثر من شوز وافضل يكون مقفل عشان مايطيح وانتي تمشي .. وكمان خذي اكثر من عباية عشان ترتاحي وماتغسلي لانها تتوسخ مع المشي و تكون مقفله وماتكون طويله مره .. والبسي خمار افضل من الطرحه فصليه ن محلات العبايات ...
وخذي معاك قران صغير ومطوبات توزيعها ..

والله يسهل عليك الحج يارب ولاتنسي تدعي لنا ...
واذا اتذكرت شيء ثاني اكتبه لك

حبيبتي الله يرزقك ويكتبلك الحج أقولك نفس اللي كنبوه الأخوات وزيادة عليه أوصيك الجزمة تكرمين أفضل شي تكون

رياضية من النوع الكويس وماحتحتاجين تغيرينها ابدا ولا تنسي مصحفك تكفين لاتهمليه أنا حصلي موقف وعموما أوصيك لاتهملي

التلاوة وأخيرا أوصيك تكفين تكفين نصيحة من أخت تحبلك الخير حاااااافظي على وقتك واعمريه بالطاعةولاتغريك سواليف

الحريم أتمنى لااااااااتنسي نصيحتي لإنك لو نسيتيها أتوقع رح تندمي كثير الله يسر لكم ويتقبل منكم يارب العالمين

هلا أخيتي أسأل الله أن ييسر حجتك ويتقبل منك يارب ..
خوذي ملابس مريحة وقطنية وعلى عدد الأيام تقريبا
كذلك أدوات النظافة الخاصة فيك تكون غير معطرة !
بالنسبة للشوز يكون مريح كذلك والأهم فيه يكون غير مفتوح من الوراء << سبورت
كذلك لاتنسين مصحفك ..
العباية اثنتين وأكثر من طرحة ..
أكياس لجمع الملابس المتسخة لأن ماراح يكون هناك وقت لغسلها !
استغلي أيام الحج بما يعود عليك بالنفع والفائدة من قراءة للقرآن والإكثار من ذكر الله ..
لاتنسيني من دعائك في ظهر الغيب ..
موفقة يارب :26: