منو راحت السوق اللي بالكويت

وعليكم السلام ورحمة الله وبركاته

شوفي اختي بالنسبه للبدل الرسميه انا ما اشتريها الا من زارا وخاصه الشتويه او الجاكيت الجينز اللي تتكلمين

عنه هذا تللقينه بسوق السالميه ( الحوش ) هناك عند محلات بناطيل الجينز تلاقين عندهم جاكيتات 0 واتمنى اكون

ساعدتج

شوفي حبيبتي كل مكان يبيعون هالجاكيت الجينز انا فهمت قصدج اللي يكون قصير ومخصر وزرارات فيه والوانه الوان الجينز الغامجه والفاتحه

اختي شرت من مانجوا ولونه الجينز العادي وتلقينه بعد بسوق شرق تلقين جاكيتات جينز ومحلات الجينز شوفي بشرق فوق يكون يم محل الرياضي محل للبنات والاولاد وكله جينز وبدل سبورت تللقين عندهم جاكيت جينز

وعندج مجمع العدساني بالكووووووووويت كله محلاته جينز وجاكيتات وكل الالوان والمقاسات

وبس:) كل اللي اعرفه قلته لج

ياااااااااااااابعد عمررررررررري ياللي ردتوا بردتوا علي قلبي والله انكم خواتي الله يحفظكم وينولكم اللي في بالكم

جاكيت الجينز عرفته الي تتكلمين عنه , أنا عندي منه بس ترى صعب تلقينه عشان أنا نفسي عيزت أدور و ما لقيت!! فرحت شريت جاكيت جينز عادي من مانجو و وديته عند الخياط عشان يقصه و صار من أحلى مايكون!! طبعا قلتله يرد يخيط الحافه عليه مرة ثانية! و كأنه مو مقصووص! الكل سألني من وين!

جروح الاحلام تذكرتج اليوم وانا بالسوق :) من شفت الجاكيت الجينز قلت برد عشان ابلغ اختي

سمعي انا رحت الفنار لقيت تحت يم مطعم لونوتر محل كله جينز وبره سيكل ومنيكان المهم دشي وراح تلقين انشالله وفيه الوان منه

وبعدين رحنا سوق شرق فيه بدبنزهامز جينز جاكيت لونه ازرق غامج وبستوب جينز فوق يم الرياضي فيه جاكيت جينز بعد

وانشالله تلقينهم