منو زوجها يشتغل ببنك او شركه...........تدخل

معقوله يابنات 52 وحده قرت الموضوع ولا وحده فيكم زوجها يشتغل بشركه يا خساره تعبي راح عالفاضي :16:

والله الموضوع حلو يابنات ودي تتفاعلون وتفيدوني لان خطيبي بشركه ودي اعرف شلون انظم قتي واستغله بشي مفيد بغيابه

أختي عود الراك والله ما ادري إذا راح افيدج او لا بس انا ريلي يشتغل في شركه خاصه يعني ظروفها اصعب بكثير من الشركات الحكوميه

1- متى يبدأ دوام زوجك ومتى ينتهي؟
دوامه يبدأ الساعه 7 بالضبط و ينتهي الساعه 4 عصرا

2- كم راتبه؟ انا سألت هالسؤال لأننا نعرف انهم يتعبون في العمل فهل الراتب يستاهل هالتعب؟من ناحية التعب يتعب مووووووووووووت وعلى راتب ما يستاهل بس سامحيني ما اقدر اقوله

3-متى تصحين وهل انتي تفطرينه قبل ما يداوم؟
انا دائما اصحى الساعه 5 بالضبط اصلي القيام و اقعد اجهز الفطور إلى الأذان و بعدها اصحيه عشان يصلي في المسجد و يوم يرد يفطر و اوديه انا الدوام لأني اكون احتاج السياره عشان اروح دوامي و ايام الخميس و الجمعه يوم اكون اجازه هو ياخذ السياره و يروح دوامه

4-كيف يكون شغلك في البيت اذا كنتي مو موظفه يعني الترتيب والغسيل خاصه اللي ما عندها شغاله؟
بصراحه انا اشتغل موظفه و انتظر ريلي لين ما يخلص دوامه و اسير الشركه و اروح اجيبه و بعدين نرد البيت مع بعض اما ايام الأجازات فأستغلها فرصه في ترتيب البيت و تشتغل الغساله طبعا في تنظيف الملابس

5-الغداء يكون الساعه كم؟وهل تنوعين في الأصناف؟ ام انه يتناول الغداء في مقر عمله؟
بصراحه الغداء دائما يكون في مقر العمل سواء انا او هو بس ممكن نتلاقى على العشاء و احاول اعوض عليه بقدر المستطاع بأني احط كل اللي نفسه فيه و احاول اني ما اقصر عليه ابدا

6-اذا كان دوامه ينتهي الساعه الخامسه او السادسه هل ينام فور رجوعه للبيت ؟
لا ما ينام يتم يساعدني في البيت او نطلع نمشي شوي إلى إذان المغرب و بعدها نجهز العشاء و على طول ننام

7-كيف تكون طلعاتكم وسط الأسبوع واخره؟
نادره بسبب ظروف العمل بس انا راضيه و مقتنعه فيه عشان كذا ما همني بالعكس الطلعات يكون لها معنى يوم تكون مره كل اسبوعين يكون لها روح و شكل غير و نحاول ما نحرم نفسنا بأي شي

8-كيف يكون استقبالك له وهو ايضا بما انه يكون غايب تقريبا طوال اليوم؟
في أغلب الأحيان ارد معاه في نفس الوقت اما في الأيام الثانيه ......................... سر

أدعو لي بأن ربي يحقق لي اللي في بالي يارب آمين

اختي عود الراك اهلا وسهلا فيك ومشكوره على طرح هذا الموضوع انا برد على اسئلتك
بشكل عام انا زوجي :arb: موظف شركه ودوامه 8 ساعات واحيانا يكون عندهم over time في هذي الحاله يداوم 12 ساعه يعني من 7الصباح حتى 7 المغرب وما اسويله فطور لأنه يفطر في الدوام بس اصحه معاه الصباح عشان اصلي الفجر واودعه ببوسه
لما يكون دوامه 8ساعات يتغدى عندي اصحى الساعه 1 الظهر وافطر ولدي واسوي الغدا على 2ونص وارتب بيتي وانظفه :3_2_8v: :3_13_12: :3_13_11: :7_18_2: يعني مايجي الساعه 4 إلا خلصت شغلي وتحممت ولبست
عاد هو لما يجي ياخذ له دش وينام ويصحى الساعه 7 او 8 ويصلي واحضر له الغدا يعني يكون مره واحده غدا وعشا في نفس الوقت ونجلس مع بعض ونسهر للساعه 2ونص او3 وبعدين ننام بالنسبه لطلعاتنا ما نطلع في وسط الأسبوع اكثرها في الweek end
اما إذا كان دوامه 12 ساعه :( يتغدى في الدوام واكثر الأحيا ن ما اسوي غدا لأنه بس انا فعادي آخذلي اي حاجه اكلهالما يجي في المغرب ما ينام يواصل للساعه 12 او12ونص وبعدين ينام وانا كمان لما ينام ولدي عادي انام معاه بالنسبه لي في دوام 8ساعات ما احس بالملل بالعكس عادي بس لما يكون دوامه 12 ساعه احس بالملل شويه :D لأنه يكون مرهق وتعبان بس إذلا عندي شغل اسويه يعني كي او غسيل لأني ما احب اكوي واغسل وهو موجود وعلى فكره انا ماعندي شغاله

زوجي مدير في بنك


يطلع 7صباحا ومايرد غير 8او9مساء

غداء مايجي مسكين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الغدا ساعه وحده فقط والبيت بعيد عن الدوام مايمديه يوصل البيت الاوالساعه مخلصه

اذا المسؤل عنه ماهم موجود يجي يفاجئنا ويتغدا معنا

اذا ماجاء على الغدا اعمل عشاء الي يحبه

ماعمري طبخت له وجبه على كيفي ابدا

لاكن اهم شئ اكون عامله معجنات وفطائر وحلى في الثلاجه

وسط الاسبوع مافي طلعات لاكن يجونا ربعه دايم واهو يحب ان الناس تجيه دايم اكثر من انه اهو يروح لهم
كيف استقبله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :27:

عاد هذي يبيلها حكي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وحده من الصباح تشتغل يعني مداها خلصت شغلها كله :angry:

اول ماياذن المغرب اروح اتسبح واتوضئ

اصلي المغرب واطق بهاك اللبس وهاك المكياج البسيط عدا يوم الاربعاء نزوده حبتين وثلاث
اصلي العشاء واضبط قهوتنا
يكون العشى جاهز يدخل البيت يتسبح ويتعشى

انيم العيال

ونطلع بيت الشعر

نتقهوى نسولف وننبسط الين الساعه 1ليلا وبعد كذا ننام
اذا بيجون ربعه يجلس معهم للساعه 11ويصرفهم ويقول لهم ابي اروح انام وهم يروحون ويناديني اجي اتقهوى معه للساعه 1هذا حدنا

زوجي مستحيل ينام قبل 1ومستحيل ينام العصر او لما يرد من دوامه

الخميس والجمعه تلاقينه من 7صباحا وهو صاحي ومصحصح وشبعان نوم

انا مثله ماعمري نمت قبله ابدا او طولت بعده

عندي فراغ اكذب عليك واقول ماعندي ؟؟؟؟؟؟؟؟؟
بالرغم ان ماعندي شغاله الا ان اوقات الشغل يخلص وافضى والا ماشفتوني اكتب معكم اللحين

الطلعات :

الخميس والجمعه
الخميس نروح لاخوانه او يجون لنا

الجمعه بعد صلاة الجمعه لازم نطلع الثمامه نتغدى هناك ونجلس لليل او نطلع استراحتنا

الراتب

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عندنا وعندك خير
16الف والشهر الجاى فيه زياده والحمد لله كم ؟؟؟؟؟؟؟؟؟؟؟؟؟؟؟؟

ماني عارفه

لاكن لايغرك البيت الي شارينه لاهف نص الراتب عدا المصاريف والفواتير
وزوجي ينزل لابوه راتب كل شهر 2000ريال

يعني ندخر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماهو دايم الحصاله في الشهر ماتتعدى 600ريال

لاكن نعمه والحمد لله مستوره واهم شئ الصحه والعافيه والله المسكين زمان كان دوامه اردى من كذا لاكن الحين تظل اهون شوي

والراتب يروح الله يعله المهم صحة ابو عيالي مع هالدوام الي يجيب الهستيريا .