مرحبا بنات انا مرت على وانا عند الدكتور بس فعلا كان موقف


محرج جدا :23:

مرت معي كتير والله احراج كبير لكن كل مرة اقول اعتدر ومرات اعمل نفسي مو شايفة
لكن مو هون المشكلة المشكلة في انسان عربي مسلم وشايفك كيف تربيتي وانك ما تصافحي لكن لما يتلاقى معك فى
في بلاد الغرب ينسى طبايع ويرجع يمد ايد ولا فيه شيء ولما تجي تشرحي او تقول شيء تلاقي الناس تقولك احنا في
كندا ولازم ما نحرجهم على شان ما نكره فيهم الاسلام معقول توقفت على هذا الشيءفيه اشياء كتيرة على شان
نحبب فيهم الاسلام عن طريق المعاملة وهذا اول شيء في حجابنا ...............................

يا أختي مافيها إحراج ولا شيء هادي أوامر ربنا ..
والمفترض مايكون فيها تساهل لأنه العذاب لمن مس يد امراة مهو هين أبدا

الله المستعان

أسال الله أن يثبتنا على الحق
بالنسبة لي مأتذكر إنه مر علي زي هادا الموقف
لأنه الرجال أصلا مايستجروا يمدوا يدهم يرتعبوا من حجابي :)

بس دايما تمر على زوجي ويقول سوري أي دونت شيك هاند
وترى هادي معروفة عندهم أظن بعض المتعصبين مايسلموا

:26:

مررررررررررة عادي ما اظن وحدة تسافر برة وماتمر بموقف مشابه خاصة في العيادات عشان كدا دايما ادور لاطفالي دكتورة ..

بس لما اقابل دكتورة والا معلمة انا اليي امد يدي كأن عمري محد صافحني خاصة اذا زوجي قابلهم قبلي لانه اكيد قالهم مايصافح .نساء..

تعرفي قمة الاحراج انه وحدة تشتغل في المعمل اليي زوجي يستعمله ..وتشوفه كل يوم ..وعرفت اننا مسافرين وحدة مرة قامت جات بكل عفوية تبغى تحضن زوجي ..قام مرة احرج وبعد عنها وقالها :احنا مانصافح فمن باب اولى مانحضن وقعدت تبكي وحزنت قالت له :كيف تسافر من غير ما اودعك ..قالها: مع السلامة تكفي..

لو كنت مكانه كنت انا اليي بكيت :)

في مرة جا واحد دق علي الباب وفتحت له. قال :انه من الجيران ومرشح نفسه مدري لايش ويبغاني اصوت له وطبعا مد يدة ومارضيت اصافحه. وقال: اية دين دا؟ قلت له :اسلام ..
قام اعطاني قائمة فيها اسماء مجلات وجرايد قال اختاري منها .قلت له ما اقرا (جاهلة بعيد عنك) قال عندك اطفال؟ قلت له: ايوة .قال: في كتب اطفال .
قلت له :اسفة مرة ما اقدر خلاص .
قام عصب وشد مني الورقة وراح ..وطول الاسبوع وانا اتخيله يلحق اولادي والا بنتي..ينتقم مني ..والا يستناني اخرج ويقتلني..

قلت لزوجي نبه على مكتب السكن ما ابغى ناس غريبين يجوني ..يكفينا كلابهم..
مدري ايش مناسبة القصة بس هي اخر موقف مر علي مع المصافحة..

امل ..تصدقي انا قلت راح يخافو من شكلي ..بس اظني اليفة مرة ;) ..وحدة مرة في السوق جا رجال عجوز طبطب على كتفي ..والمصيبة اني ماشفت مين اليي حط يده على كتفي ..وبعد ماخلص الرجال ومشي شفت وجهه ..:eek:بغيت اطيح في الارض مرة ما جا على بالي انه رجال ..اصلا محل ما اروح يشار لي بالبنان ..على اني شبح ..الله ياخدهم ..المهم ماكفاه انه طبطب علي.. جا كمان قال شي في وجهي مافهمت منه ولا كلمة واصلا ما ادري هو اتكلم باي لغة لاني وصلت مرحلة متقدمة من الخوف ..وكان شكله مقدر او محترمني اي شي زي كدا بس طريقة تعبيره كانت سيئة مرة ..:06:

حمرة الورد جاتكم الفيزا رجعتوا أمريكا ؟؟