منو عندها حب شباب مثلي ......؟؟؟؟؟؟؟؟؟

انا من كثر ما اعاني من هالمشكلة ماخليت طبيب جلدية سمعت عنه مارحت له




بقولكم مشكلتي بالضبط وابي نتبادل تجاربنا في علاجات حب الشباب


انا من عمري 14 طلع لي الحب

الحين تعديت 25 ولين الحين في حب بس اخف عن قبل

تطلع لي يمكن ثلاث حبات في الذقن او جوانب الفك الخدود من فوق لا والجبهه لا واكثر شي مقرفني الظهر مليان اثاااااااااااااار قديمة وفي شوية حب في مقدمة الظهر تحت الرقبة لين الحين تطلع لي يمكن ست او سبع حبات وطبعا تبقع

وكل مارحت لطبيب عرض علي روكتان وانا مو حابه اخذه اصلا الحب خفيف والمشكلة هرمونيه اذا الوحده تعدت 25 وعاد يطلع لها حب معناها هرمونيه


وفي دكاترة نصحوني اذا خذت الروكتان وانا اصلا مشكلتي هرمونية مافي فايدة وبيرجع الحب اول ما اوقفه يعني كورس تعب على الفاضي

وفي بنات في المنتدى يقولون رجع لهم الحب هذا لان الطبيب ماصارحهم ان مشكلتهم هرمونية خااااااااااااصة اللي فوق 25 اما اللي تحت 25 هذي اكيد بتتشافى بالروكتان

لان الهرمونات تتلخبط وتلعب في البشرة حتى لو خذتوا ر وكتان مايمنع

بالنسبة لتجار بي صرت اعتمد على الكريمات والغسولات


جربت سكينورين من وحده في المنتدى نصحت فيه وفعلا نصيحتها في محلها بس للاسف الشركة غيرت المنتج والحين النوع الجديد خرطي مايسوى ريال

جربت اكرتين لمدة شهرين اللي استفدته نعومة في البشرة وخلصني من كم حبة بلاك هيدز او اللي يسمونها رؤوس سوداء لكن طلع لي حب شباب زيادة في منطقة الذقن والفكين ووقفته

جربت بنزاك ما يسوي شي للحبه

جربت فيسيودين هذا نفعني شوي لما احطه على الحبة يصغرها انصح تجربونه


جربت ديرما تي او الدلاسين ما يسوي شي

جربت زنريت ما يسوي شي

جربت اكل مضادات حيوية مثل ازثرومايسين ما يسوي شي لا تاكلونه وركزوا كلامي للي عمرها فوق 25 اما اللي تحت هالعمر فعاليته لها اكبر

امممم

وبعد جربت غسولات نيتروجينا ماحبيتها

جربت غسول ثاني بالصبار خرطي وسعره غالي

جربت صابونة اكني ايد حليوة تشيل الدهون وماتنشف الوجه جربوها قريت عنها تجارب كثيره ويمدحونها


تقريبا ذي كل العلاجات اللي جربتها