منو عندها ياهل وولدت عقبه بفترة بسيطة؟؟ ممكن تدخل!!

بدايه الله يعينك ويتمم لك على خير وتقومي بالسلامه.. و ذكرتيني بالذي مضى ..
والحمدلله لدي 3 أطفال الله يحفظهم ويخلي لي إياهم.. وكان بين الأول والثاني 3 سنوات وبين الثاني والثالث أقل من سنتين..:(

لأني حملت وكان عمر ولدي الثاني الله يحفظه سنة وشهر.. فحزنت جداً لحملي لأن كان نفسي أعطيه حقه خصوصاً وهو الطفل الثاني يعني كنت مشغوله بطفل قبله بس ما أقول غير الحمدلله على كل حال..

ولكن بدأت من بدري أهيئه لاستقبال مولود..واللي كان مساعدني في الموضوع وجود طفل قبله أكبر وفاهم يعني أيش ماما حامل وجوه بطنها نونو..
فحتى لو كنت أبغى أخبي على طفلي الثاني كان الأول فاضحني..

فهيئته بحيث إني كنت أخذه معي لزيارات لصديقاتي وقريباتي اللي توهم ولدوا ونشوف الأطفال وأمسكه وأخوه ما يقصر ويقوله هذا النونو جوه عند ماما زيه..
ودائماً أحكيه البيبي حلو البيبي صغير وأرحمه بالأطفال يعني أقوله مسكين بيبي ما يعرف ياكل ماما تعطيه أكل .. شوف بيبي يبكي ما يعرف يمشي ما عنده اسنان كل شيء يخطر في بالك ..
وكان توه بدأ يتكلم كم كلمه فكان يسألني ليش إبكي ؟؟ وأقوله مسكين.. خليني اساعده وكان يرضى امسك الأطفال صحيح على عينه ولكن يتساهل شويه..
ولما بدأ الجنين يتحرك كان أخوه يحب يمسك بطني ويناديه تعال نسلم على النونو.. والمسكين يجي يسلم ويبوس بطني.. فلما ولدت وجاء المولود كان متعود يبوس بطني وظل لفترة يستنى نونو ثاني يطلع...:o

عموماً بعد ما يجي النونو هذي حكايه ثانية... أكيييييييد فيه غيره وبالذات في الفترة الأولى .. وكنت لما ينام الطفل أقضي وقتي قد ما أقدر معاه... و لما يجي وقت نوم ولدي الثاني لااااازم أنومه والبسه بيجامته يعني لازم ما تفتقد العادات اللي تعودتها معاكي وهذا كله على حساب راحتك بعد الولاده لكن والله نفعت معايه لأنه حس إني ما زلت متواصله معاه وكمان دورك تحسسيه بالمسؤوليه تجاهه يعني أنتبه لأختك او أخوك وتتركيه شويه معاه وانتي قريبه بس كانك مو منتبهه.. وإذا حسيتي إنه يبغى يسلم على النونو مو مشكله بس وجهيها ولا تأنبيها يعني أنا في الساعة الواحده يبوسه 20 مره وكنت أخليه يبوس الأيد أو البطن ولكن ممنوع الوجه..أو ممكن إنك تطلبي منه يساعدك في أغراضه يجيب لك الشنطه أو المريله أو أي غرض ما ..
وكمان دائماً الطفل الصغير في سريره وعنده البيبي موبايل والكبار خارج الغرفه معايه ..

بالنسبة للمستشفى فلأن عندي طفلين وحتى في ولدي الأول كان ينام مع أبوه أول يوم .. والثاني عند أهلي مع أخواتي وشغالتهم معاهم.. وبالذات في الفترة الأخيرة قبل الولاده كنت أرسلهم لأهلي كثير علشان يتعودوا على المبيت عندهم.. وفي كل الولادات كنت أخلي عيالي يزوروني بس في غير وقت الزيارة وأتكلم معاهم وممكن يتغدوا عندك بالمستشفى وقبل الزيارة أرسل لهم مع أخواتي صحيح حيبكوا بس على الأقل أكون شفتهم ومطمئنه عليهم مع أهلي..

وولادتي الأخيره كانت في بيتي فكان عندي مساعده من أخواتي يجوا من الصباح وبكذا أعتني في الصغير فقط في الرضاعه والاستحمام والباقي اخواتي يشيلوا همه وانا اعتني بالكبار لأن غيرتهم شديده.. وعند زيارة الناس كنت اتعرض لمواقف محرجه جدا لأن الأثنين غيرانين من الهدايا وسرير البيبي فكانوا يبغوا هما يناموا فيه بدل البيبي وبالتالي شلت السرير الخاص بالبيبي وصاروا يناموا جنبي ويقولوا للزوار أحنا نساعد ماما علشان جابت نونو..:32:
فنصيحه كمان اشتري هدايا تناسب لعمرها وتكون مشوقه جداً أو اشرطة فيديو وكل ما شافت هدايا البيبي اللي الناس جايبينها قولي لها وهذي الهديه البيبي جابها لكي..
وبكذا تنشغل بألعاب جديده وتحب هالضيف الجديد..
وأي أذيه تحصل منها للطفل لا تصارخي .. صحيح لازم تأنبيها ولكن تمالكي نفسك وعاتبيها بعد ما تعدي لعشره .. وبيني لها الصح من الغلط لأني اعتقد إنك على ما تجبيبي النونو حتكون بنتك تقارب السنتين وفي هذا السن يعرفوا يفرقوا بين الصح والغلط بس بدون عقاب ..
وأطمنك بهذي النصائح ما مر ثلاثة اشهر إلا وعيالي يخافوا على البيبي أكثر مني وما يحبوا يآذونه .. وتصير مواقف بسيطه لا تذكر .. بس كلها مسألة وقت وتعود على وجوده..

عارفه إني طولت عليكي وحكيتك قصة حياتي بس أتمنى أكون أفدتك..
وطمنيني عنك..

تااه يقومج بالسلامة ان شاء الله. صراحة يا اختي لا تحاتين ولا تشيلين هم. انا يبت بنتي ولدي عمره سنه وكان بعده ما يمشي عدل. لكن الصراحة بعدين ادركت ان هذا احسن شيء سويته الان الطفل في هذا العمر ما يفهم وما يغار وايد يمكن يتحرش تحرشات بسيطة لكن ما يغار بس يمكن تعانين من ناحية الاهتمام لان الاثنين يبالهم رعاية. بكمل بعدين لان زوجي وصل وبروح البيت لاني في الشغل سوري حبيبتي.

انا لما جبت طفلي الثاني كان الكبير عمره سنه وتسعه شهور..طبعا مازارني بالمستشفى لانه ماله داعي..توه صغير..وتركته عند اهلي ولما طلعت رحت بيت اهلي مع البيبي وماكنت انا شايلته كان واحده من خواتي لاني كنت والده بعملية وتعبانه..الولد كانا صغير وماحسه كان يغار من البيبي..بس اللحين لما كبروا شوي بعد 8 شهور بدا الكبير يفهم ويغار منها على خفيف بس انا ماحاول افرق بينهم لانهم كلهم صغار..راح تتعبين في التربية والرعاية بس بعدين لما يكبروا شوي ترتاحين فترة..:27: ..الله يخليهم لك ولا تشيلين هم ..والله يقومك بالسلامة..:26:

:27:

الله يهون عليك حبيبتي..

السلام عليكم ورحمة الله وبركاته

أنا حملت وولدي عمرة شهر ونص أو شهرين ..

الحين أنا في شهري التاسع وولدي عمرة 10 شهور

بس ماشاء الله ولدي من النوع الفطن جداً ومن الحين بادي يغار من اليهال الي في سنة أو أصغر منه والكل يقول الله يعينج يوم بتبين الثاني .. :01:


بس أنا من ناحيتي مب شايلة هم كبير من هذا الموضوع ..


كلهم بيربون مع بعض .. و الغيرة شيء لابد منه بين الأخوان أحياناً .. والمهم أني ما أقدم واحد على حساب الثاني .. و ما أقصر في حق الأول بعد مايي الثاني صح هذا الشيء يطلب مجهوووووووووود كبييييييييييييييييييييييييييييرر


بس الحمدلله أحسن من غيرنا فيه ناس الله عطاهم سته أو سبعه مرة وحده :13:





تحياتي