اختي بصراحه انا عندي حوض سمك وامأذيني وايد بسرعه يتوسخ ويبيله اهتمام ، بس بالنسبه للريحه لا مافي اي ريحه بس بنتي الله يحفظها ملعوزتني كل شويه قاطه فيه شي، مره فوظه ومره كلينكس ومره العابها ، يعني اذيه

انا ايضا عندي حوض كبير بالبيت ومعاه فلتر بس هم يتوسخ الحوض
وايضل له ريحه خفيفه والله تعب الاهتمام له خصوصا انه كبير
بس كمنظر جدا جميل

اذا ركبتي لة فلتر يبقى الموية نضيف
ولا لة ريحة ولا شيء
انتعي لا تكثري الأكل لة حتى ما يطلع ريحة ويوسخ الماء

كان عندي حوض سمك كبير
كنت اخلي الشغالة تنظفه كل شهر
طبعا تشيل الاسماك تحطها مكان ثاني
وتشيل الفلتر وميزان الحرارة
بعدين تكب الماي حق الحوض وتغسل الحوض عدل
وتغسل أشجار الزينة والاحجار
وكل الاكسسورات الموجوده بداخل الحوض
بعدين ترجع تعبي الحوض ماي جديد وترجع كل شي مكانه وترجع السمك
وطبعا تشبك الفلتر وميزان الحرارة
وكان عندي سمكات لونها اسود قالي الرجال انها تاكل الاوساخ اللي بالحوض
انا انظف الحوض كل شهر لان البياع عطاني دواء على شكل حبوب مدوره لونها زرقا
قالي هذى تنظف الحوض ويحافظ على نظافة الماي فترة اطول
كنت اذا حطيت قطعة وحده من الدواء هذا يخلي لون الماي حق الحوض زرقا بعد نص ساعه او اكثر يصفى الماي ويصير لونه طبيعي ونظيف حيل
بس قالي لازم الحوض يتنظف تنظيف تام كل شهر
بعدها عملت تعديلات بالبيت وشلت الحوض الكبير
وجبت حوض صغير مثل اللي حطت صورهم الاخت ماروشكا
شريته من الامارات وللحين عندي شكله روعة وحاطه فيه سمكه وحده
ان شاء الله اكون افدتك
تحياتي للجميع
اختك مشاعر

انا عندي حوض كبير طوله متر ونص وفيه فلتر يطلع له ريحه بس مو دايما يعني كل ست شهور مره وصراحه ماعمري طلعت السمك منه ونظفته لان الفلتر موجود وشغلته ينظف الحوض وشيل الاوساخ اللي فيه وانا من فتره لفتره انظف الفلتر وارجعه مره ثانيه والله اللي يشوف الحوض كاني انظف المويه يوميا المويه نظيفه وصافيه بس لازم تنقص المويه اللي بالحوض عشان تتبخر عاد ازودها