= منو مثلي !!! فيوزاتها تضرب !!! =

بنات أنا فيوزاتي ضاربة
فكم وحدة مثلي

وإللي تجيها هذي الحلات تعطينا أمثلة

لأني قمت أخاف ..... لا تكون فيوزات مخي ضربت

1- اتصلت خالتي فينا تقولي إن حددوا موعد ملجة بنتها

يقول لي زوجي منو على الخط
أقوله خالتي
يقول خير إن شاء الله أسمعج تباركين؟؟!!

قلت خالتي تعزمنا على ملجتها إن شاء الله

قال ما شاء الله ومنو بياخذ خالتج

أقوله ولد فلان

وهو يبغيني أستوعب شو أقول بس أنا خبر خيــــــــــــــــــر
صباح الليل عندي

========================================

2- ولدي يصيح وزوجي على الخط يسمع صياحة

يقول زوجي شو فيه الولد يصيح؟؟

أقوله ما يطيع يشرب السيريلاك بس يبغي ياكل حليب على طول اليوم

========================================

3- تسألني أمي وين ريموت التلفزيون

أقولها في الثلاجة

========================================

4- أكون بالسيارة ومضيعة بيتنا

أتصل بزوجي أنا ضايعة ... يقولي شو جنبج ... أقول له المكان الفلاني

يقول أوكي بيتنا في نفس المنطقة

وتخيولوا مره أقوله ما في غير البر .... لأني كنت سايره البر

ونسيت الدرب

======================================

5- مره كنت أسوق وخبطت إللي جدامي بس الحمد لله خفيف لأن عند الإشارات وكنا واقفين

بس نسيت إني في السيارة فشلت رجولي من البريك وصار إللي صار

والحمد لله جت الأمور طيبه لا أنا ولا إللي خبطته صار فينا أو في سياراتنا شي يعني خدش بسيط بعد ماصار

وهذا من فضل ربي

======================================
والكثير الكثير الكثير من المواقف

بس لا تخافون ..... هذي الحالة ما تجيني إلا إذا كنت سرحانه وأفكر

======================================

أرجو التفاعل بنات