هلا شيخه وش اخبارك
حمستيني حتى انا فيني شوية اهمال

لكن

الحل الاكيد انك تجلسين لحالك في جلسة استرخاء وتسرحين بخيالك شوي تتخيلينه شاف له وحده قمه في الاناقه
وبعيد الشر بعيد الشر ترى اقول تخيلي يعني لاتعصبين ت ت تت تتتتت تزوجها <<< ( الله يستر مره خايفه )

كل شوي لبس وشكل غير مره فستان نعوووووم ومكياج انعم وكعب عالي واكسسوار خفيف
ومره تسوي لوك امرأه جريئه ومغريه وكل يوم دلع ورقه وجمال واناقه وهو عاجبه الوضع على الاخر ومبسوووووووووووووووووط
ومايبغى يتركها ابد لوعليه داوم في البيت
وانت ميته قهر

صدقيني بعدها انشاء الله بتتركين العجز نهائياً .وتقولين اعوذ بالله وش هالكابوس المرعب بس انتبهي لا تدعين علي .


الله يسخركم لبعض ويهنيكم ويجعله يشوفك احلى واشيك وحده في الكون .هذي عشان ماتزعلين مني

ههههههههه ضحكتيني يااختي vip..


انا لو افكر كذا مستحيل اتحمس الا اتحطم:(
واقوم اصارخ على زوجي مسكييييييييييييين :angry2:

لان قلبي يكون قد امتلى حقد عليه :mad: حتى لو مجرد تفكييييير..


انا اصلا عايشه في عالم الخيال دايما اتخيل زوجي تزوج ولا خانني وانني ابكي:icon33:
واجلس اهرج واتضارب مع نفسي :angry2:

وياويله:arb: لو دخل وانا في عز المعركه ... على طول هججججججوووووووووووم:024::

الله يعين على هالحاله...انا مشكلتي في شعري طويل ولا يجي وقت استشوره ودايما اقول خلاص بقصه عشان اقدر عليه والى الان ماانقص هالشعر يازوجي يرفض ياانا اكسل اروح المشغل ولا مايطاوعني قلبي..بس في اللبس اكشخ له بس لازم اخذ راحه بعد كل يومين او ثلاث منها ارتاح ومنها عشان زوجي لا يتعود ويحس انه شي عااااادي

خلوني اقول لكم قصتي مع الكشخة والاهتمام
طبعا اول ايام زواجنا لبس وطلع وكل يوم مكياج وكل يوم حركة في الاستقبال مرة مقلب ومرة مسوية نفسي نايمة بحركة اغراء وهلم جرااااااا
وسنة كاملة وبعدها حملت وكان وحمي نفسي يعني نفسيتي زي الزفت وكل يوم مشاكل والمصيبة اني حملت على الصيفية يعني الصيفية وانا بالثالث داخلة الرابع لاني قادرة البس ملابس عادي جسمي متن ولاني قادرة البس ملابس حمل لان ماعندي كرشة وكان هذا هواهم مسبب للمشاكل والحمد لله لكن الموت بعد ماولدت كان وزني زايد واستمريت انحف لحد ماقربت من الوزن المثالي واشتريت ملابس وبديت اهتم والحمد لله صارت المشكلة اني حملت بالغلط وعمر بنتي 11 شهر تخيلوا لكن قررت ماعاد اكرر غلطتي وخصوصا ان هذيك السنة اول سنة اجلس بالبيت لاني كنت ادرس بالكلية وكنت اهتم والبس والحمد لله عدت على خير لكن تكررت نفس المشكلة وزني زايد وانا زوجي يكرة المتن ومهما البس والله ماكانة يشوف واستمريت ارجم ورياضة لحد ماوصل وزني 72 وتفاجات اني حامل تخيلوا المصيبة الحمدلله لاينتقم مني اللهم لك الحمد وكانت نفسيتي زي الزفت لاابي اكل ولاابي لبس ولاابي اقابل احد والموت انة نفس حملي الاول على الصيفية يعني عدت الصيفية وانا بكاء وطفش واغلبها جلست عند اهلي ولا اروح مناسبات ولاشي طفشانة 24 ساعة وبكاء ولما وصلت السابع تدرون وش قال زوجي استقبلتة بروب سماوي لايفوتكم اللون وشعري ملوم على فوق وتعبانة قال تصدقين كانس حاد من يوم حملتي لاكل ولامكياج ولالبس ولاحتى روج والله يابنات كانها صاعقة على راسي وقمت ابكي اقول ماتقدر نفسيتي تعبانة وجلس يواسيني لكن حب يبين لي قال مهما كان انارجال واحب زوجتي تلبس تكون مبتسمة اجل ليش الواحد يخسر فلوس وبيت ومشاعر وحب وبالنهاية من اربه اوخمس سنين من الزواج خلاص ماتتكلف الوحد حتى انها تلبس لبس حلو
وقلت خلني اولد وتشوف والحمد لله سرت اهتم شوي لحد ماولدت ةبعد ولادتي على طول ركبت لولب عشان ماكرر الغلطات اللهم لك الحمد والشكر والحمد لله نحفت في 4 شهور من ولادتي ورحت لسيتي ماكس والله ان عندهم ملابس للبيت تاخذ العقل وناعمة وقطنية وحاجات تهبل والاحلى اسعارها وكذلك الهرم بالرياض وجدة ملابس البيت حلوة ورخيصة ونعومي الاقمصة الحرير فية خيال واشتريت عطور من زهور الريف واشتريت شوع وورود من سيتي ماكس والحمد لله البس واستقبلة بحركات وقصيت شعري وافكر اصبغة والحمد لله يثني علي الحين ويقول احس اني عايش ايوة احس اني رجال وفية مرة تهتم فيني


فالمطلوب نهتم لايجي يوم ونندم على الي راح وانصحكم مرة خليكم بمكياج ومرة بس بروج وكحل داخلي واذا بتروحين ناس رتبي نفسك قبلها بوقت وسولفي معاة واجلسي ماكان عندك خبر بالطلعة واذا قرب الوقت قولي لة فلانة كلمتني وش رائيك
اما اذا كانت عزومة فعاد لاماعاد فيها تلفيق ماعاد الاصدق والمكياج الصارخ سوي يوم بالاسبوع سهرة مع فستان قصير ومفتوح اوبدون اكمام ومكياج صارخ وقطعة جاتوة مع كوب كبتشينوا اوعصير اوكوب مثلجات بدون حلى طبعا واسهري معاة
اويوم بلبس دلوع يعني بدي على الصدر وكلت دلع وحركة على الفخذ مثل التاتوز او اي شي اوربطه اومناكير لونها حلو على رجولك وحطي زيت دافي وشموع وحركات ورد على السرير في سيتي ماكس تهبل بس ب3 ريال وانثريها على السرير واول مايدخل طبعا العيال قد ناموا ولابيزينزن حياتك
وسوي لة مساج مع دلع بالكلام وحركات بيدينك وراحة وتشوفون النتائج والله انها جنان طولت حبايبي واشكر صاحبة الموضوع لانه مهم وضروري وبندخل كل يوم وكل وحدة تاحط فكرة ونسويها وخلونا نتشجع وعلى فكرة ترى زوجي يقول ان اغلب زملائة يقولون موب حلو ان نمدح الحريم على طول اذا شفتها مهتمة مرة ومرتين وثلاث هذاك الوقت افكر انهاصادقة بالبسها وامدحها وكذلك في الطبخ والترتيب وهكذا وانتوا احتسبوا الاجر اجعلوة لوجة الله وراح تلقين اجر حتى بالبسك واغرائك لزوجك والله يوفق الجميع

والله يابنات مادمرنا الا الجلسه بالساعات قدام هالنت نوسع صدورنا بها السوالف والقصص
وبالاخير ننسى ازواجنا وانفسنا وعيالنا00صح استفدنا منه الكثييييييييييييييير بس بالمقابل
ضيعنا من اوقاتنا واعمارنا الكثييييييييييييييييييير ولاحد ينكر رجاااااااااااااء000

موضوع روعة ..


لي رجعة ..