صدقيني بيجلس طول السفره وهو مشغول باله عليك ومنتظر ردة فعلك وما ادري وش اقول لك بس انتي ادرى بزوجك وكيف تتعاملين معاه هل العتاب بيجيب نتيجة ولا الزعل ولا الاستقبال الحلو انتي ادرى واحنا صعب نحكم على شيء ما نعرف سببه وصدقيني احس ان عنده مشكلة وما يبغا يضيق صدرك وراح يغير جو ..بعدين ترى ما يصير انه يحس انه ما يقدر يسافر لحاله والا انتي مانعته من السفر برا ..كثر الضغط يولد الانفجار واحتمال على شان كذا حطك امام الامر الواقع زوجي سواها معي مررررررررره وكنت وقتها صغيره طبعا ما قدرت اقول لا لانه ما جاء ياخذ رايي والتذكرة بيده بس هو سافر من هنا انا قبل لا يرجع بيوم دق علي وقال انه بيجي بكره قلت طيب وش اسوي اهلي بكره بيسافرون وبروح معهم قال كيف تسافرين وانا بكره برجع قلت هذاك انت مسافر وتاركني عادي تحمل شوي قال لا تسافرين مع اهلك وبرجع ووديك برا في هالاسبوع قلت ما ابغى انا بروح مع اهلي ..طبعا هو ما حاول يضغط علي لاني كنت جافه معه شوي وسافرت مع اهلي وجلست عشرين يوم وهو كل يوم يدق يبي يجي ياخذني وانا مطنشه واقول ما ودي ارجع هههههههههههه على قولة الشاعر ( وداوها باللتي كانت هي الداء ) وانا وحده بوحده والبادي اظلم ..
<<<<<<<<< جابت قصة حياتها كلها
فانتي يا اختي فكري قبل لا تتخذين اي قرار وتصرفه ما يدل على كره منه لك لاااااااااا ولا يجي في بالك كذا بس طيش شباب ..الله يسخره لك ان شاء الله

ان شاءالله ماينبسط بالسفره بدونك .. والله يسخره لك ..بس انتي لاتكبرينها عاد .. خليك حكيمه...

مدام سواها يااختي خلاص لاتتعبين عمرك انا قبل 9 سنوات صار لي مثلك كنت اكره انه يافر برى واذا قالي زعلت فإذا به يحطني اما الامر الواقع ويحجز مع اخوي وخالي وشله اصدقائهم وقالوا بنروح الدمام واذا بهم يروحون مصر انصدمت صدمت قويه ومانمت بالليل ... وصرت اكره الصيفيه اخاف كل سنه يطلعلي بسفره فصرت ادعي ربي وادعي وبعد انتهز الفرصه في ساعات الصفاء بيننا واقعد اذكرله قصص امراض المنتشره والعدوى وانها ممكن تجيه مرض معدي عن طريق الاكل الغير نظيف ودورات المياه .... والحين الحمد لله خلاص ما عاد يحب يسافر ولله الفضل والمنه .... حاولي واجعلي ملجأكي اولا واخيرا الى الله ....

الله يكون في عونك ويجبر بخاطرك يارب
لا تستعجلين يمكن رايح وبيسوي لك مفاجأه حلوه ..

الله يسخره لك

الله يعينك ؟ ويجعله خاتم باصباعك تحركينه كما شئتي