منو يتبرع يساعدني اشتري من النت؟

هههههههههههه
انا نفسج بغيت حد يعلمني كيف اشتري

بس شو هالموقع اسعاره نار الله يعين فيزت اخوج منج ههههههههههههههههه

اختي عاد لازم تتأكدين ان كان مضمون او موقع بواق..

هلا أختي .. ما قلتيلنا شو بالضبط اللي ماعرفتي تسوينه؟

عموماً انا حطيت شرح مفصل وإذا أي اسأله زيادة اسألي

مثلاً أنا اخترت هذي الشنطه في الموقع اللي حطيتيه

اذا ما طلعت الصورة أضغطي هني
شوفي الـ Quantity (العدد) = 1 .. دايماً تأكدي انه العدد واحد اذا كنتي تبين حبه وحده بس..

بعدين أضغطي على ADD TO SHOPPING BAG يعني تضيفينها
لسلة مشترياتج، أما اذا كنتي تبين تتشاورين اختاري الخيار الثاني ADD TO WISH LIST يعني قائمة الأشياء اللي تبينها بعدين او تفكرين فيها..

اذا اخترتي انج تضيفينها لسلة مشترياتج .. بتطلعلج سلة المشتريات بقائمة الأشياء اللي بتشترينها مع الأسعار وأسعار الشحن مثال

اذا ما طلعت الصورة أضغطي هني

تحت أختاري من المربع الدولة .. وانا اخترت دولة الإمارات وبجانبها اسم الشركة اللي تشحن أكيد تعرفينها UPS منتشره في العالم نفس أرامكس وغيرها

ولاحظي أضافوا 21 دولار سعر الشحن يعني ما يقارب الـ77 درهم وفوقها سعر الشنطة الأصلي اللي هو 69 دولار ما يقارب 253 درهم والتوتال صار 90 دولار .. يعني الشنطة مع شحنها بتكلفج 330 درهم

وعشان تطلعين السعر بالدرهم أضربي سعر الدولار في 3.67
(ثلاثه فاصلة 67)


وفي ملاحظه ثانيه اذا مثلاً اخترتي شي وطلعتي ورجعتي اخترتي شي ثاني ترى يتخزن في سلة مشترياتج, واذا في شغله تبغين تلغينها خلاص ما تبينها بتلقين كلمة Remove بالأحمر عشان تشيلينها قبل لا تسوين تشيك أوت.. وارجع اقول تأكدي ان العدد 1.. لأني لاحظت نقطه في الموقع لما أطلع وأرجع ألقاهم أحيان دابلين اثنين وانتي هالشي بتعرفينه من السعر تحت لما يحطون لج اسعار الأغراض انه في شي مش صح.. بعد ما تعدلين الرقم انزلي تحت بتلقين كلمة Update اضغطيها عشان تشوفين الحالة النهائية لسلة المشتريات واذا كل شي صح

انزلي تحت واضغطي على كلمة CHECK OUT هني يعني
خلاص ابغي الأغراض هذي..

بتطلعلج صفحة ثانيه يطلبون فيها إيميلج.. في حال ما كنتي مسجله من قبل حطي ايميلج وخلي الخيار على كلمة I am a new customer
(You will create a password later) مثلاً

بتطلعلج صفحة غيرها يطلبون معلوماتج مثال

اذا ما طلعت الصورة أضغطي هني
لاحظي تحت عاطينج خيارين الخيار الأول Is this address also your billing address? يعني هل الأسم والعنوان ورقم الهاتف اللي هني نفسه اللي بيوصلون لج عليه الأغراض؟ في حال اخترتي يس معناتها لازم تعبين كل البيانات
مثل: Address line 1 و Address line 2 بس ما عليج حطي اسم المنطقة اللي انتي فيها مثلاً "المشرف" أو "AlMuroor" بس أهم شي رقم التيلفون يكون صح لأنه شركة الشحن يوم بتوصلهم الأغراض بيتصلون فيج يبلغونج..

والشي الثاني بعد بما أنه الفيزا مب لج لأخوج؟ يفضل تحطين أسمه هو في البيانات مثل ماهي مكتوبه على بطاقة الفيزا عندج.. (اتوقع انه هالشي مطلوب في هالموقع)

بعدين اتووكلي على الله واضغطي كلمة Continue تحت

بتطلعلج صفحة فيها Gift wrap options
ثلاث خيارات يسألونج هل تبينهم يغلفونها لج هديه أو كذا وكذا
أتوقع انتي بتشترينه لنفسج فروحي للخيار الثالث..
وأضغطي Continue

بتوصلين عند صفحة الدفع، عندج خيارات تبين تدفعين بالكردت على طول؟
ولا تحبين ترسلين لهم الكردت على الفاكس؟ في ناس تفضل الخيار الثاني لأنها تخاف حد يسرق الكردت على النت!!.. عموماً انا دايماً افضل الخيار الأول لأني الريدي مسويه كردت الباكاج مالها ما يتعدى الألف درهم مخليتها حق الأنترنت..

واذا فرضنا اخترتي أول خيار هذا المطلوب شوفي هالمثال

اذا ما طلعت الصورة أضغطي هني

طبعاً البيانات هذي كلها تاخذينها من الفيزا نفسها وكلها مكتوبه عندج
اختاري نوع البطاقة (فيزا أو كريدت أو...) بعدين الرقم.. بعدين تاريخ انتهائها بعدين الأسم المكتوب على الفيزا اللي هو أسم اخوج بالظبط مثل ماهو على الفيزاااااا غير جذي ما بتمشي

بعدين تحت وأضغطي Continue

عاد انا ما كملت لأن بعد هالزر بيجرجووني على فيزتي فما اعرف شو بيطلع لج

أتمنى اكون افدتج