أسعد الله صبآآحكم بكل خير ..خواآتي
اليوم أحب اقدم لكم منيـو متنوع من مطبخي المتوواضع ..وياارب تستفيدون منها ..
بسم الله ...~
رز بالسكــر ..
لاتستغربين الاسم هو فعلاً بالسكر بس على مسؤؤليتي يجنن مررررررره .. وكثير جربوه من صديقاتي بحواء بعد ماوصفته لهم وجداً اعجبو فيه وحبيت انكم تجربونه .. للي مايعرفونه .. لذيذ بمعنى الكلمه .. نكهه غير طبيعيه بس يعيبه الدهن ..
الطريقه :
جيبي كم حبة باذنجان وكوسه وجزر .. مقطعه طوواال ومقليه ..>> ماعندي كوسه وقتها فما حطيت ..
وبرضو دجاج قطعيها صغار وبدن جلد واقليها بالزيت على طووول بدون ملح ولاتتبيل ولاشي بتاتاً .. بستوي ماعليك جهزي هذولي كلها ..
جيبي كميه كبيره من البصل مقطع حلقات او طواال .. وقلبيه عالنار لما يتشقر ..
اذا صار بهالشكل ... ضيفي عليه السكر .. انا طبعاً حطيت فنجانين سكر لان كمية الرز ترى عندي كاسين بس ..
والدجاج نص دجاجه < الكميه قليله على قدنا .. يعني انتي حسب عددكم .. وقلبي البصل مع السكر لما يذوب السكر شوي ثم اضفت مكعبين ماجي اصفر ..
ثم تضيفين المقليات ( الباذنجان والجزر والكوسه والدجاج ) وتقلبينه مع البصل ..ثم تسلقين عالنار الرز مع ماء وملح زيت وحبات هيل .. يكون ربع سلقه بس .. لايستوي مررره ... واشخلي الرز وضيفيه عالدجاج وماسبق
وقلبيه معهم .. واكتمي القدر كويس ... بفوطه او كيس نايلون عالغطاء او قصدير الي تحبين .. 10 دقايق وانكبيه ..
آخر شي هالشكل بيصير..
البروســـتد اللذيذ ...
رآآح يعجب زوجك وعيالك مررررره ... اذا انتم مدمنين بروستد ..
جيبي الدجاج مقطع ومنظف .. بعدين اسلقيه بالموويه وملح وحبات دارسيين .. نص سلقه .. بعدين تبليه بالتتبيله
( زبادي + ثوم + ملح + ليمون + سومطره اذا تحبين + اريقاانو < سر النكهه + ) تتركينه بالدجاج بالثلاجه ساعه الى ساعتين .. ثم طلعيه وغمسيه عالتوالي في .. طحين==> بيض ==> شوفان
ثم اقليه بزيت غزير ..وبالهنااء والعافيه
الشااورما البيتيه الرائعه
انا متأكده بعد هالشااورما راح تتنازلين عن المطاعم ..
احضري صحن صدوور دجاج وقطعيه مربعات او زي ماتحبين .. وتبليه بـ ( مايونيز الكميه حسب دجاجك انا صحن صدور صغير حطيت ملعقتين بس مايونيز + فلفل اسود + آجي ابيض + ثوم + عصير نص ليمونه)
ودخليه بالثلاجه ساعتين ..
بليــــــــــــــــــــــــز .. لاحد يرد باقي ..
قلبيها عالنار على طووول قبل تحضرينها .. بدون بصل ولااااازيت ولاشي ... على طوول قلبيها لحد ماتتشقر زي كذا وتستوي بخلطتها طبعاً عالنار..
ولفيها بخبز عربي .. او خبز المرقوق الرهيف ..انا جبت خبز ماادري وشو بصراحه لاهو حق مرقوق من بنده موجود مغلف باكياس ومربعات كبيره انا قصصتها .. احشيه مع الدجاج بطاطس مقلي ومخلل لو تحبين بقدونس برضو .. لو ماحصل الخبز ذا . . عندك المفرود الصغار ... ولفيها رول بورق الزيت .. وبامكانك تاخذينها معاك براا على اساس مع الشاهي مررررره شكلها وطعمها يغري ..
الفطااائـــر السهله ..
احلى فطائر بالكون لينه وطريه مررره ولذيذه ..
الطريقه :
كأس مااء دافيْ + 1 ملعقه كبيره خميره فوريه << تحرك لما تذوب الخميره + 3 ملاعق زيت + ثلاث ارباع فنجان سكر + ملح ملعقه صغيره + 3 ملاعق كبيره حليب نااشف تخلط جيداً .. ثم تعجن بطحين كويتي + ملعقه كبيره بكنج بودر ( الكميه للطحين غير محدده لما تتكون معك عجينه مرره لينه متماسكه)
تترك العجين تخمر اقل شي ساعه بعد ماتسكرينها طبعاً ... قسمتها لاجزاء شي سويته بالنقانق وشي بالدجاج مثل الي فوق بصينية الكب كيك والحشوه صدور دجاج منتف محموس ببصل وبهارات ومعها بطاطس مقلي مربعات م عليها شريحة جبن .. وشي سويته بيتزا .. وشي سينابووون
كمية العجين مو كثيره ترى ... لو تبين اكثر ضاعفي المقدار ..
ولو حبيتي تسوينها سينابون بس ..
سر نكهة السينابون ( ضيفي وانتي تعجنين ظرف دريم ويب ) يم يم
السينابون قبل الفه .. ارش سكر ابيض مطحون . . + شوكولاته نسكويك + قرفه مطحونه والفها ..
اغرقها نستله وهيرشي واكتمها شووي ببلاستيك 5 دقايق بس .. تاكلين فيها يومين مايتغير طعمها ابداُ
لحد هنااا .. يكفي .. نلتقي بقسم الحلويات >> بجعبتي اكثر :26: