السلام عليكم

رجعت مرة ثانية :21: لان اطباقك لا تقاوم

مشكلتي بالمقلوبة تطلع ممتازة مع الرز الامريكي

بس بالرز البسمتى تطلع معجنة مش مفلفل
مع اني احط الماء فوق الرز يمقدار 2 سم
بس ما في فايدة :30:


اريد اعرف افضل نوع ورق عنب تستخدمية للحشووووووووو
لاني جربت انواع كثيرة كانت مش ولا بد

مشكلتي لها حل عندك :34:

تحياتي :27: :27: :27:

ترى انا طماعة
انتى كريمة ونحن نستاهل
بانتظار المزيد من اطباقك الجميلة


سلمي على اعيالج
وبلغي سلامي ام محمد شيوخ وابومحمد البحار
عسى المانع خير ..وين كتاباته الجميلة اختفت

الالسلام عليكم

تسلمين اختي عزيزة على هالاطباق الرائعة

واللة حلوة وايد وانشاء اللة راح اجربها

بس عندي بعض الاسئلة اذا ما عليش امر يابنت الاجاويد

فية اشياء ماعرف اسمائها اللي هي صويا صوص

بروكلي الروزماري كمون القرنبيط اجيونوموتو

مسترد الاوريجانو بابريكا مستكة

اسمحيلي على الاطالة جزاك اللة الف 1000 خير

هلا مس شيف
الله يحيك ،،، بالنسبة للرز استخدم رز ابو كاس مرة ممتاز
ومايتعجن ابداً وترى المقلوبة حلوة بالرز الامريكي اللي هو ابو سيوف صح

بالنسبة لورق العنب استخدم فيه الرز المصري واذا ماتوفر لدي استخدم الامريكي
واضيف للحشوة دبس الرمان وللماء ايضاً دبس الرمان بيخلي طعمه رووووعة

وان كان قصدك على ورق العنب نفسه فأستخدم نوع اسمه اورلاندو مرة ممتاز

وسلامك راح يوصل ان شاء الله تسلمي ياعسل

هلا اخت روضه
شكرا لك


هذه صورة البروكلي والقرنبيط مثله بس ابيض
ةالصويا صوص صلصة لونها اسود تجديها في قسم الاكل الصيني
الاجينو متو مثل الماجي بس لونه ابيض ويجي في اكياس ويشبه السكر
الاوريجانو هو الزعتر البري المستخدم في البيتزا
الروزماري اعواد صغيرة لها نكهة قوية تشبه الى حد ما الزعتر
البابريكا هو الفلفل الاحمر البودرة ويجي بعده حار (فلفل )
المستكة عبارة عن حبوب صغيرة مثل اللبان صفراء اللون
توضع عند سلق اللحم او الدجاج لازاله الزفرة ويستخدم في الرز
السليق دائماً

اما الماسترد فهو الخردل الاصفر تجديه بجانب الكتشب والمايونيز
ولونه اصفر

لو لقيت صور راح احط لك

تبارك الرحمن 00اسم الله عليج 00والله يحفظك 00قولى أمين

شنو هالابداع يا رووعه

ما اقدر اقول شى لانه ابداعج فى الاطباق روووووووووووووووووووعه

الله يعطيج العافيه

تحياتى :)