منيو منوع _ ادعوا لي بالشفاء العاجل وصلاح الذرية وهداية زوجي واهلي وتسخيرهم لي

السلام عليكم ورحمة الله وبركاته

هلا بكم اخواني ان شاءالله اموركم طيبة
من فترة مانزلت مواضيع بالمنتدى
وهالمرة قلت اجيب لكم منيو منوع كتعويض
عن الفترة الل فاتت ويارب ينال اعجابكم :biggrinlo

ما اطول عليكم واليكم المنيو ..

اول طبق هو :





رز مضغوط بلحم الحاشي ...

المقادير والطريقة معا :

ينقع 2 كاس من الرز او سب الرغبة
يقطع البصل الى قطع صغيرة جدا ويحمس مع الزيت في
قدر الضغط الى ان يذبل ويضاف له البهارات والفلفل الاسود
ثم بعدها قطع لحم الحاشي ويحرك جيدا الى ان يتغير لون اللحم
يسكب عليه الماء الى ان ينغمر اللحم يغطى القدر جيدا ونرفع عليه النار
ويترك لمدة ثلث ساعة ثم نطفئ النار ونزيل صمام القدر لكي يتسرب كل
الهواء منها تماما وبعدها نفتح الغطاء ونضيف الملح على اللحم والقرنفل والقرفة والليمون الاسود
ثم نضيف الرز واهم شي ان تكون مرقة اللحم فوق الرز بارتفاع 1سم نغطي القدر جيدا ونولع النار
ونخليه من 5 - 10 دقائق ثم نوطي ع النار ونزيل الصمام ونتركه كذلك من 5 - 8 دقائق ونطفئ النار
ونترك الهواء يتسرب الى ان ينتهي ثم بعدها نفتح الغطاء ونغرف الرز ونقدمه بصحن ..
وبالهنااااااء والعااااااافية ..









شاورما بقطع البطاطس المقلي ..

المقادير والطريقة معا :

اول شي نقطع صدور الدجاج الى مكعبات صغيرة
ونتبلها بالملح والبهارات والفلفل الاسود والثوم البودرة والهيل الناعم
والاهم من هذول كاري الدجاج يممممممم على طعمه بعد كذا
نحضر مقلاة ونسكب فيها زيت عافية او زيت زيتون ونضع
عليها الدجاج المتبل ونحمس ع النار ونقلبهم جيدا وبعد كذا نوطي ع النار
ونغطيهم ونخليهم لحد الاستواء في هذه اللحظة نكون محضرين البطاطس
المقطع الى مكعبات صغيرة او متوسطة ومقلية بالزيت نضعهم على الدجاج
ونقلبهم جيدا لمدة ثواني بعدها نكون محضرين خلطة الصوص او الصلصة :
( ملعقتين جبن سايل + ملعقة او ملعقتين مايونيز )
نضيفم على الدجاج والبطاطس ونقلبهم جيدا ع النار وخلاص نصكر ع النار
ونقدمه بصحن ويؤكل مع الخبز او نعمل فيه ساندوتشات براحتكم ...
وبالهناء والعافية ..










صينية الخضار بالقشطة :

المقادير والطريقة معا :

اول شي نقلي خضار مقطعة الى شرائح مدورة
بطاطس باذنجان كوسة جزر اللي تبون
انا قليت باذنجان وبطاطس وصفيتهم بصينية
وحطيت فوقهم بصل وطماطم وفلفل رومي اخضر شرائح
ثم بعدها جهزت المقلاة وطبخت الدجاج الشاورما
عبارة عن : ( قطع دجاج صغيرة حمستها مع زيت وبصل مفروم وثوم
وطماطم مفرومة وقليل من الصلصة
وبهارات وكاري يممم على طعمه وفلفل اسود
وقليل جدا جدا من الهيل الناعم ) وخليتهم يتسبكون ع نار خفيفة ..

وبعد مانضجوا اضفت عليهم علبة قشطة وملعقتين جبن سايل
وملعقة مايونيز وحركتهم جيدا وخليتهم ع النار الى ان بدأوا بالغليان
وصكرت عليهم .. ثم بعدها صبيتها على الخضار ودخلتها في فرن
من فوق وتحت وحمرتهم من فوق
يعني شي بسييييط وبس تقدم الاكلة بصحن
وتؤكل مع الخبز المفرود او التميس

وبالهناء والعافية ...

**






فتيت او فريك بالبصل والبيض ( نص سبايسي ) ..

المقادير والطريقة معا :

نحضر 3 ارغفة من الخبز البر الاسمر او اكثر
الكمية على حسب افراد العائلة ونقطعه قطع صغيرة
بعد كذا نقطع بصل حجم كبير الى قطع صغيرة
وفلفل رومي الى قطع صغيرة ..
نحمس البصل مع نص اصبع زبدة
( ضرورية الزبدة هي اللي تطعم الاكلة وتعطيها نكهة )
مع الحمس نضيف له ملعقة شاي سكر لحد مايتشقر
ثم بعد كذا نضيف الملح والبهارات ضروري مع حمس البصل
في اي اكلة كانت نضيف البهارات عليها لانها تعطيها
نكهة وطعم خيال واهم شي اضافة الكاري له
ورشة من الفلفل الاسود ..
وملعقة من الفلفل الاحمر ( اختياري لعشاق السبايسي النار ) انا ما اضفته ..
بعد كذا نحركهم جيدا ونضيف عليهم الفلفل الرومي
ونحركهم لحد مايذبل الفلفل .. بعد كذا نضيف الخبز المقطع عليهم
ونقلبهم بسررررعة ونوطي ع النار خفييييف ..

في هاللحظة نكون محضرين من قبل البيض المقلي
وطريقة البيض :
نحضر 3 بيضات ونخفقها ونضيف عليها قليل من الملح
بعد كذا نولع النار ونضع عليها المقلاة ونضيف عليها قطعة زبدة او زيت
نسكب البيض ونوطي ع النار ونحرك باستمرار دون توقف لحد مايتفتت البيض
بشرررط مايتحمر لونه عشان مايطلع لونه قريب للخبز ويصير كأنكم ماسويتوا شي ..
بعد كذا نضع البيض على الخبز والبصل المبهر ونحركهم جيدا ونغطيهم
ونخليهم ع النار الخفيييفة جدا مدة دقيقة أهم شي انه لايتلصق بالقدر
ثم تخرب الاكله يعني ضروري تكون النار خفيفة من البداية الى النهاية ..

وبعد كذا نغرفه بصحن ونقدمه وعلى فكرة تراه يؤكل بملعقة
وبالهناء والعافية ...

...........................................................







صينية الشاورما بصوص القشطة والجبن ..

المقادير والطريقة معا :

اول شي نحضر 3 بطاطس حجم كبير
او على حسب الكمية اللي بتحتاجونها
نقشره ونقطعه مكعبات صغيرة ونقليه بالزيت
ونضعه في صينية بايركس ونضيف عليه
البقدونس المفروم .. كطبقة اولى ..

بعد كذا نحضر الشاورما :
في البداية نفرم البصل والثوم ونحمسه مع زيت
لحد مايشقر ونضع عليه الملح والبهارات والكاري
والفلفل الاسود والهيل الناعم ( الهيل ضروري مع الشاورما )
المهم نضيف عليه الدجاج المقطع الى قطع صغيرة ونحركه
ونغطيه ونخليه ع نار واطية وبعد ماينضج نوعا ما نضيف
عليه الفلفل الرومي المفروم ونحركه ونخليه لحد مايطلع طري
بعد كذا نضيفه على البطاطس اللي بالصينية .. كطبقة ثانية ..

اخر شي نحضر الصوص اللي ع الوجه :
(علبتين قشطة + 4 ملاعق جبن + ملعقتين مايونيز +
قليل من الملح + رشة فلفل اسود ) .. نحركهم جيدا ونسكبهم
فوق الدجاج والبطاطس ونجمل الوجه بالسماق والزعتر ..
ندخل الصينية الفرن ونحمرها فوق وتحت يعني الوجه تحمير خفيف ..
( انا نسيتهم بالفرن وتحمر شوي بزيادة ورشيت عليهم زعتر
عشان يخفي الاحمرار الزايد شويتين والحمدلله ضبط المنظر )

تقدم الصينية وتؤكل مع الخبز المفرود او التميس
وبالهناء والعافية

............................................................................

يتبع ..