السلام عليكم يا بلبله انا من القاهره فى محل باباجيان للوازم الخياطه ويجد له فروع كثيره فى شارع قصر النيل بوسط البلد وشارع 26 يوليو زايضا فرع ثالث فى شارع فؤاد وايضا بلازهر يوجد شارع لتجار الخيوط فقط سوف تجدين جم انواع عديديه تصلح لشغل الكروشيه :26:

هاى بلبلة
واضح انك نسيتى طلبك اساسا انتماقولتيش انت منين علشان نقولك الاماكن
عامة انا من القاهرة و هقولك على شوية اماكن حلوة

بالنسبة للازهر محتاج واحدة شاطرة قوى فى الفصال لان اسعارهم نااااااااار لانها منطقة سياحية و معروفة فالبياعين بيستغلوا النقطة دى

بالنسبة للموسكى تقدرى تقولى نفس الكلام لازم تفاصلى كويس اوى علشان توصلى لسعر حلو

فى عندك بقى وسط البلد ممر الكنتيننتال فى هناك فروع لاغلب المحلات الكبيرة اللى هى النمرسى و كل شىء و غيرهم كتير و الاسعار هناك متوسطة و مافيش فصال و علشان كدة انا بريح دماغى و اشترى من هناك

فى كمان ميدان الجامع عارفة الشارع بتاع السوق اللى هناك اللى مليان محلات دهب هناك اخر الشارع هتلقى فرعين لنفس المحلات السابقة و اسعارهم بردة كويسة

بالتوفيق ان شاء الله

السلام عليكم ورحمة الله وبركاته
وانا كمان ازود منطقة لو كنتي من المعادي فيه فى الجراند مول محلين لبيع مثل هذه الخيوط أو فى سوق المعادي القديم فيه برده محل للخيوط الـ DMC