مني خبز عروق خبز اللحم العراقي الشهير وبطريقة سهلة وبالخطوات المصورة

المعجنات والمخبوزات والسندويتشات

السلام عليكم خواتي
اليوم حعلمكم طريقة سهلة لاعداد خبز العروق العراقي الشهير
اول شي نحظر العجين
نصف كيلو دقيق اسمر+ملعقة ونصف خميرة +رشة سكر+ماء دافئ للعجن
نخلط الدقيق والخميرة والسكر ونصب عليهم ماء دافئ ونعجن حتى نحصل على عجينة قوية مو لينة ونتركها تختمر بمكان دافئ الى ان يتضاعف حجمها مرتين

لتحضير الحشو
حزمتين كرفس وبصل اخضر هو والساق الاخضر
نفرمهم يدويا وليس بالماكنة والسبب انو الماكنة حتطلع العصارة وتخرب العجين بعدين ونضيف عليهم 3 ملاعق كركم وملعقة ونصف ملح او حسب الرغبة وملعقة شاي فلفل اسود وملعقة شاي كمون

ونخلطهم ونخليهم على جنب
ننقع لحم مفروم بيه لية يعني شوية دسم هههه لاتخافون هاي الاكلة على ظمانتي تظعف ماتسمن رغم السعرات اللي بيها بالاخير حكوللكم السرررر
نخلط الخضروات مع العجين بعد ما اختمر

ونصفي اللحم المفروم من الماء ونخبطه وياهم

وهذي عجينة الخبز جاهزة
هي حتطلع لزجة وحتى ماتعذبكم بالشغل تخلين بصفج كاسة زيت تدهنين ايدج بيها وتسوين كور صغيرة

وتفتحين الكور بايدج حتى تحصلين على مني خبزة هههههه وتحطيها بمقلاة يفضل مايلتصق بيها الطعام
طبعا مشغلة النار عالمقلاة او الطاوة وسط ولاتخافين ابدا ابدا مايلتصق العجين بالطاوة وحتبقى نظيفة لاخر الشغل

تغطين الطاوة وتنتظرين دقيقة الى دقيقتين وتقلبيها بكل سهولة حتى ينظج الوجه الاخر

شوفو هنا الفرق بين الوجه الناضج والوجه العادي
تقلبيها مرتين الى ان تحصلي على هالنتيجة يعني مراح ياخذ القرص الواحد اكثر من 5 دقائق وينضج

طبعا العادي الناس تسويه بالتنور بس اغلبنا ماعدهم تنور وهاي الطريقة تبقي الخبزة طرية الفرن شوية يقسيها ولاتخافون تنظج واللحم والخضروات ينضجون كلهم يعني اشبه بالطبخ عالصاج




شوفو الخبزة الحلوة الامورة شلون مستوية
يتبع.....
197
50K

يلزم عليك تسجيل الدخول أولًا لكتابة تعليق.

تسجيل دخول

مريم ريحانة بغداد



طبعا هلكت وباقي العجين حطيته بكاسة وبالثلاجه ماعليه شي اكدر باجر اكمل الشغل بيه


وياعيني لو وي الجااااااااي المهدر ابو الهيل










جربوووه حتحبوه
همزين تذكرت
سر التخسيس بهاي الوصفة انو تتتتتتتعب حيل هههههه
الله يسلمكم اني حاطة العجين بعيد عن الطباخ ويا رايحة يا راجعة بالاخيييييير الله فتح علية وفكرت احط كاسة العجين بصف الطباخ حتى ما ابقى رايحة راجعة

دمتم بحفظ الله اختكم مرااايم
بحب بلدي
بحب بلدي
وااااو يجننننننن
وأحلي حاجه فيه انه يعتبر وجبه متكامله
وكمان مغذي ومفيد للأطفال
من يد ما نعدمها ياعمري
بجد شكله لذيذ وشهي
تسلم يدك
ياريت يامريم تحطي الرابط ف ملف الفطور
ومشكورة ياعمري
علي الوصفه اللذيذة
مريم ريحانة بغداد
وااااو يجننننننن وأحلي حاجه فيه انه يعتبر وجبه متكامله وكمان مغذي ومفيد للأطفال من يد ما نعدمها ياعمري بجد شكله لذيذ وشهي تسلم يدك ياريت يامريم تحطي الرابط ف ملف الفطور ومشكورة ياعمري علي الوصفه اللذيذة
وااااو يجننننننن وأحلي حاجه فيه انه يعتبر وجبه متكامله وكمان مغذي ومفيد للأطفال من يد ما...
من عيوني ياعيوني
نووووووورتيني ياسكرة:27:
زهره فوق الجليد
تسلم الايادي يارب
مريم ريحانة بغداد
تسلم الايادي يارب
تسلم الايادي يارب
الله يسلمج عيوني