مني عازمتهم تعالوا شوفوا سالفتي وشوروني

السلام عليكم

اخواتي التمس فيكم الحكمة ولا احترت في امر ما أتردد أجي اشاوركم

انا ساكنة بعمارة اهل زوجي انا وأربع سلايف لي وعمتنا كل وحدة بشقة مستقلة

علاقتنا يسودها الاحترام اوقات انا وسلايفي نصير زي الاخوات وتجي فترات رسمية

وما نشكي خلاف الحمد لله

عندي قريبة لي من جهة اهلي مره قريبة مني واعزها.. وهي كمان صاحبة ثنتين من سلايفي

لان رجالهم اصحاب مره المهم انا لجاتني قريبتي ذي انادي عمتي وكل سلايفي احب اللمه والوناسه

نسهر وننبسط ومن ذي العلوم وسبق تكررت عندي عزيمتين ومره كمان جاتني على الغدا وبرضو

عزمتهم كلهم.. بعدها صار انه قريبتي ذي زارت سلايفي الثنتين يمكن ثلاث مرات بأيام مختلفة طبعا

مره سهره ومره فطور صباحي وسلايفي محد ناداني طبعا منادين اللي حولي :huh:

استغربت وجااات في خاطري مره بس قلت معلي منهم مني ميته على عزايم احد

وقابلتها بعدها بوجهي عادي ضحك وتلطف

الاستشارة الان بعد بكرة بتجيني قريبتي ذي وودي اقعد على طيبتي واناديهم كلهم لوجه الله بس

احس نفسي مو متقبله بس بنادي عمتي وسلفتيني الثانيات

احس لو عزمت الي أكلمكم عنهم احس الحريم بيستخفون بي او يحسبوني ما احس يتجاهلوني ما يعزموني

وانا اعزمهم كمان خصوصا انها قريبتي يعني اعرفها وننبسط سوا وبالمثل انا لمن اناديهم مخصوص

عشانهم يعرفونها وينبسطون معاها

اش رأيكم اعزمهم ولا طنااااااش