السلام عليكم ورحمة الله وبركاته
الملاحظ في الاونه الاخيرة تقديم المني كيك الصغير للضيوف ويمكننا تجهيز بأنواع الكيك المحبوبه
لدينا مثل كيكة الموز او كيكة الجزر او كيكة العنب او كيكة الفستق او كيكة اللوز او كيكة التمر او كيكة الكاكاو وخبزها صغيرة كب كيك او في الصينيه ذات القوالب الصغيره وممكن ان ندهن وجه المني كيك بانواع الصوص كصوص الكرمل او الشوكولاطه او السمسم او السكر الناعم او السكر الملون او الايس الابيض
المسيل بقطرات الماء وماء الزهر او الورد
حتى المعجنات اصبحت مني وطبقات التوست مني والبثيثه مني واذا عند الاخوات أي طريقه للمني
لاي نوع من الحلويات او المعجنات لتضيفها معانا وتكون مشكوره ونرجع لكيكتنا
مني كيك بالزعفران والهيل والسمسم
المقادير:
6 بيض
نصف كوب حليب
كوبين من افخر انواع الدقيق الخاص بالكيك
كاس زبدة مذابه
كوب سكر ناعم
ملعقة صغيرة من كلا من الهيل والزعفران
ملعقة كبيرة بيكنج بودر
ملعقة صغيرة فانيلا
فنجان سمسم الزينة
ذرة ملح نصف ملعقة صغيرة
الطريقة:
يخلط السكر +البيض +الزبدة +الفانيلا جيدا
ثم نضيف الطحين +الزعفران والهيل والملح +البيكنج بودر ويخلط معه
ثم يصب في أوراق الكب كيك اصغر حجم او صينية بها دوائر الكب كيك بعد دهنها و يرش بالسمسم على الوجه ويخبز 45 دقيقة .
يقدم في صينية مستطيلة بجاني نوعين آخرين مثلا بثيث بسكوت مرتب ترتيب فني
قبل القهوة
أختكم : شمس الإمارات
باختي شمس الإمارات....
مشكووووووره حبيبتي عالميني كيك....مبين عليها وااااايد لذيييذه:23:
بس بغيت أسألج أختي إذا ممكن, أصغر أنواع ورق الكب كيك يعني اللي طوله تقريبا إنتشين؟:confused: , وممكن انحطه في أوراق الكب الكيك اللي شوي أكبر(يعني اللي طوله ثلاث إنتشات و نص تقريبا)؟:confused: ... وبالنسبه عزيزتي للمده بغيت أستفسر, أنا يوم أسوي الكيكه في ورق الكب كيك ما تاخذ وياي أكثر من ربع ساعه في الفرن(إن كثرت ثلث ساعه)...45 دقيقه مب وايد عليها, ولا عشان المقادير تختلف يعني محتاجه زياده؟
و آخر سؤال:42: (ما عليه إختي طولت عليج:34:) وين ممكن أحصل الدقيق الفاخر اللي تقصدينه؟
ومشكووووره و يزاج الله كللللللل خيرالغاليه, و عسى الله يحفظج و يسلمج ....:27: