مني لكم ..

ابدا في الموضوع على طول لاني معرف اكتب مقدمات :42:
.. انا زيي زيكم .. نفسي انحف ولمى اتفرج ع التلفزيون اشوف الموديلز واتمنى يصير جسمي حلو وبيرفكت زيهم
ومتناسق وماالى ذلك ..
:44:
طبعا ليا سنه وانا اقول بسوي رجيم خلاص يبدا االجد بس صحيت على نفسي دي السنه بداية 2009 ولو تشوفو

كل البرامج بدت تحكي عن الصحه والدايت و سنه جديده وحياه جديده وتغيير جديد

اكتر شي اثر فيني برنامج ذا دكتورز على الام بي سي 4

وضعت حد لسمنتي وبديت اول شي بالتخفيف انو اكل 3 ملاعق بروتين اللي ههوا دجاج او لحم او تونا ..

و الباقي خضار ..
:42:
واعتمدت فكره انو الخضار لازم يكون مع كل شي .. السناك خضار ورقيه و الغدا خضار وبروتين .. و 3 ملاعق رز

طبعا حسيت حالي خفيفه بس قلت ماحوزن دحين

طبعا ياحبيباتي شفت رجيم اسمو السندوشات والاغلب يعرفو

طبقتو وانا دحين باليوم التالت

انا اكل بس سندوييشن باليوم بالتوست الاسمر والحشوه انا اسويهها بس بشرط تكون لايت ومغذيه ..

ايش اقولكم صح انها سندويشين بس والله ولا عن مية اكله

فيها كل الفوائد وتشبعي تحسي نفسك خلاص ماتبي تاكلي ..

فانا حبيت اديكم شوية نصائح

اول شي لازم الخبز يكون اسمر .. في برنامج ذا دكتورز الدكتور يقول انو لمى تاكلي قطعه صغيره خبز ابيض
كانك بتاكلي ملعقتين سكر ..

فتخيلو انتي تاكلي رغيف خبز ابيض .. ومعجانات وكلها بالدقيق الابيض .. يعني بتاكلي اطنان من السكر

فنحاول نستخدم الدقيق الاسمر و الخبز الاسمر بكل شي

تاني نصيحه انو الرياضه الرياضه الرياضه .. اذا مستحيه انو اهلك يشوفوكي تلعبي رياضه ..

قومي اخر الليل الساعه 3 او 4 قبل اذان الفجر .. وسوي رياضه .. وتروشي واتوضي وصلي

ركزو على التمارين للبطن والذراعين والفخذين .. اكتر الترهل في دي المناطق .. فحاولو مو مشي بس كمان تمارين

اذا ماعندك اوزان .. جيبي الطفايات حقت الضيوف او كتابين نفس الوزن واتمرني

تالت نصيحه
دايما ضهرك خليه على ورا لاتنحني قدام .. اذا انحنيتي حتبرز البطن ويصيرلك كرشه انا مطبقه دا النظام ولاحضت انو الكرش رايح شويا ..

اشفطي بطنك كمان

رابع نصحيه المويا ..

كلنا نشوف انو 8 اكواب باليوم صعبه انا كنت كدا .. بس اشتريت قارورة مويه من البقاله وصرت اروح فيها لكل مكان واشرب واذا خلص اعبيه منن المويه اللي في البيت واشرب

حبيت انصحكم دي النصايح وان شاء الله .. اشوفكم بخير يارب وانتو بصحه وسلامه ..

:42: